Azerbaijan State Railroads

          Azərbaycan Dövlət Dəmir Yolunun  Sərnişin Daşıma İstehsalat Birliyi tərəfindən sərnişinlərə göstərilən xidmət mədəniyyətinin səviyyəsinin daha da yüksəldilməsi istiqamətində həyata keçirilən islahatlar davam edir. Dəmir yolunun xidmətlərindən istifadə edənlərin, son illər ərzində sayının xüsusilə artması xidmət mədəniyyətinin daha da yüksəldilməsini tələb edir. Vətəndaşlarımızın dəmir yoluna olan inamını gücləndirmək üçün bu, çox önəmlidir. Azərbaycan Dövlət Dəmir Yolunun Sərnişin Daşıma İstehsalat Birliyi 15 iyun – Milli Qurtuluş Günü Gəncə şəhərinin sakinlərinə daha bir hədiyyə etmişdir. Belə ki, vətəndaşların sərnişin qatarlarına bilet almaq imkanlarını yaxşılaşdırmaq,  onlara göstərilən mədəni xidmət səviyyəsini yüksəltmək və dəmir yolunda avtomatlaşdırılmış bilet satışı sisteminin gücləndirilməsi məqsədilə 15 iyun 2009-cu ildən Gəncə şəhər bilet kassasında sərnişin qatarlarına avtomatlaşdırılmış bilet satışı sistemi tətbiq edilmişdir.
          Bu məqsədlə keçirilən təntənəli mərasimdə SDİB-nin maliyyə-iqtisad şöbəsinin rəisi Cabbar Camalov çıxış etdi. O, bildirdi ki, bugünkü həyatımızda əldə edilən nə varsa, ümummilli liderimiz Heydər Əliyevin adı ilə bağlıdır. Xalqımızın müsbət və ali keyfiyyətlərini özündə təcəssüm etdirən xalqın qeyrətli oğlu, ümummilli liderimiz Heydər Əliyev şəxsi iradəsi, ölçüyəgəlməz qeyri-adi fitri istedadı, fenomenal qabiliyyəti, yorulmaq bilməyən zəhmətsevərliyi nəticəsində millətin öndərinə çevrilmişdir.
          Əməli işləri ilə Azərbaycanın layiqli adını, millətin şərəfini və ləyaqətini özünə qaytarmış Heydər Əliyev hələ sağlığında ikən nurlu və mənalı ömrünü qızıl hərflərlə nəsillərin qan yaddaşına yazmış, xalqımızın qəlbində müstəqilliyimizin əbədiliyinə parlaq işıq yandırmış, inkişaf və tərəqqi üçün əsas şərt olan əmin-amanlığı təmin etmişdir.
          Üzərinə düşən xilaskarlıq missiyasını şərəflə yerinə yetirməkdən ötrü zamanın bütün ağırlığını öz çiyinlərinə götürən Heydər Əliyev Azərbaycanı dünyanın xəritəsindən silinmək təhlükəsindən, ölkəmizi xaos və hərc-mərclikdən qurtardı. Ölkədaxili təlatüm və çəkişməyə son qoydu. Bir sözlə, özünün şah əsəri olan müstəqil Azərbaycanı yaratdı.
          Ümummilli liderin zəngin siyasi təcrübəsi, uzaqgörənliyi, dəyanəti və rəşadəti sayəsində ictimai həyatın bütün istiqamətləri üzrə mühüm dəyişikliklər baş verdi. Bazar iqtisadiyyatına keçid sürətləndi. İnsanlara ümid verdi. Müdrik rəhbərimizin başçılıq etdiyi Azərbaycan regionda sülh və əmin-amanlığın qorunması uğrunda mübarizə aparan dövlətə çevrildi. Bir çox beynəlxalq və regional layihələrin həyata keçirilməsi, ölkəmizin beynəlxalq aləmdə nüfuz qazanmasına səbəb oldu.
          Heydər Əliyevin Azərbaycana, onun rəhbərliyinə yenidən qayıdışı xalqın qurtuluşu idi. 9 iyun 1993-cü ildə saat 15:00-da Naxçıvan Muxtar Respublikası Ali Məclisinin sədri Heydər Əliyev xalqın ardıcıl təkidlərindən sonra ölkənin paytaxtına gəldi. Və elə həmin gündən başlayaraq ictimai-siyasi vəziyyəti dərindən öyrəndi, təhlillər apardı, vəziyyətin sabitləşməsinə dair danışıqlara başladı. Cəmi dörd gündən sonra o, vahid komadanlığa itaətsizlik göstərərək qiyama qalxmış “N” hərbi hissənin başında duran Surət Hüseynovla, habelə Gəncə ağsaqqalları ilə görüşərək tezliklə vəziyyətin sabitləşməsinə nail oldu. 15 iyunda keçirilən iclasda Heydər Əliyev Azərbaycan Respublikası Ali Sovetinin sədri seçildi. Həmin günkü çıxışda o, üzünü xalqa tutaraq dedi: “Azərbaycan Respublikasının bugünkü ağır, mürəkkəb və gərgin vəziyyətini tam məsuliyyətlə dərk edirəm. Azərbaycan xalqının tarixi nailiyyəti olan dövlət müstəqilliyini qorumağı, möhkəmləndirməyi, inkişaf etdirməyi özüm üçün əsas vəzifə hesab edirəm. Heç kəsdə şübhə olmasın ki, ömrümün bundan sonrakı hissəsini harda oluramsa-olum, yalnız və yalnız Azərbaycan Respublikasının müstəqil dövlət kimi inkişaf etməsinə həsr edəcəm…”
          Çox keçmədi ki, 1993-cü ilin 3 oktyabrında keçirilən prezident seçkilərində Azərbaycan Respublikasının Prezidenti seçildi. Beləliklə, Heydər Əliyev Azərbaycan Prezidenti kimi mübarizəsinin yeni mərhələsinə qədəm qoydu. Bunun nəticəsində hərc-mərcliyə son qoyuldu. 1994-cü ilin avqust ayının 11-də isə atəşkəs imzalandı. Qarabağ probleminin həlli istiqamətində ciddi addımlar atıldı. Bunlar H.Əliyevin siyasi iradəsi hesabına başa gəldi.
          Artıq ölkə daxilində əhalinin sosial rifahı yaxşılaşır, iqtisadiyyatın inkişafına sərmayələr qoyulur, xarici investorlar Azərbaycana cəlb edilirdi. Bütün bunların reallaşması ağır zəhmətlər hesabına başa gəlib.
          Heydər Əliyev azərbaycançılığı bir ideologiya olaraq irəli sürməklə, ölkənin dağılması, ərazisinin etnik əlamətlərə görə parçalanması təhlükəsinin qarşısını almaq vəzifəsini həll etdi. Bu, onun çox böyük vətəndaş hünəri idi və şübhəsiz aktual milli vəzifələrin həlli üçün bütün dünya azərbaycanlılarının öz vətənləri olan Azərbaycan ətrafında birləşməsinə töhfəsini verəcəkdir.
          Mübaliğəsiz demək olar ki, Heydər Əliyevin zəngin irsi XX əsrin müstəqil dövləti kimi Azərbaycanın gələcək inkişaf və tərəqqi yolunu müəyyən edən etibarlı səmt göstəricisidir və daim belə olacaqdır.
          Heydər Əliyevin qurduğu dövlət Aristotelin məşhur “Dövlət ancaq yaşamaq naminə deyil, əsasən xoşbəxt yaşamaq üçün yaradılır”–kəlamındakı ideyanı reallaşdırır. Yeni ictimai-siyasi formasiyaya keçid şəraitində, sabitliyin, təhlükəsizliyin tam bərqərar olmadığı mühitdə vətəndaşların, ona etimad göstərən insanların,–bir sözlə, xalqın xoşbəxt yaşamasının qayğısına qalaraq, Heydər Əliyev Azərbaycanın zəngin ehtiyatlarını bu məqsədlə səfərbər etməyi qərara aldı.
          Ümummilli lider Heydər Əliyev fəaliyyətinin bütün mərhələlərində–istər əvvəlki hakimiyyəti dövründə, istərsə də ikinci dəfə hakimiyyətə qayıdışından sonra bütün fəaliyyəti dövlətin inkişafına, xalqın rifah halının yüksəlməsinə və onların sivil qaydalarla yaşam tərzinin formalaşdırılmasına xidmət etmişdir.
          Heydər Əliyevin qəbul etdiyi hər bir qərar, atdığı hər bir addım, dediyi hər bir söz konkret tarixi şəraitdəki gerçəkliklərə kompleks yanaşmanın məhsulu olub, həm siyasi, həm iqtisadi, həm mənəvi, həm də tarixi təhlildən sonra gəlinən nəticəyə zəka aydınlığı ilə verilən qiymətdir. Təbii ki, belə bir dəyərləndirmənin nəticəsi olaraq ortaya çıxmış qərarlar, atılmış addımlar, deyilmiş sözlər mütləq mənada doğru, faydalı, səmərəli olur. Bu cür qərarlar qəbul edib, ən doğru yolu seçmək isə yalnız müdrik insanların nəsibidir. Çünki, müdrik insanlar nə əlahiddə şəkildə nəzəriyyəyə, nə də mütləq mənada əməli fəaliyyətə əsaslanırlar, konkret işlər görürlər.
          Tarix boyu Azərbaycanın başına olmazın müsibətlər gəlmişdir. Dəfələrlə doğma torpaqlarımız ayrı-ayrı dövlətlər tərəfindən təcavüzə məruz qalmış, istila edilmişdir. Lakin hər dəfə xalqımız özündə qüdrət tapmış, dirçəlmişdir. Cavanşir, Babək, Xətai… Bəli, onların hər biri tariximizdə böyük şəxsiyyətlər, qəhrəmanlar kimi qalmışlar. XX əsrin Azərbaycana bəxş etdiyi şəxsiyyət Heydər Əlirza oğlu Əliyev olmuşdur. Bu şəxsiyyətin gördüyü işlərin miqyasını bu gün ölçmək o qədər də asan deyil. Göz qabağında olan adətən adi görünür. Lakin illər, qərinələr ötdükcə miqyası böyüyür, möhtəşəmləşir. Bu möhtəşəmliyin miqyasını isə bu gün ölkə prezidenti, Heydər Əliyev siyasi kursunun layiqli davamçısı Prezident İlham Əliyev daha da artırır, genişləndirir. Məqsədi də dahi və fenomen şəxsiyyətin–Heydər Əliyevin başa çatdıra bilmədiyi arzularını həyata keçirmək, xalqın yaddaşında onun əməllərini yaşatmaqdır. Belə bir şərəfli və məsuliyyətli vəzifənin həyata keçirilməsi hər bir rəhbərdən böyük səriştə, bilik, savad, təcrübə tələb edir. Bu keyfiyyətlərin hamısı gənc prezidentimiz, Heydər Əliyev məktəbinin layiqli davamçısı cənab İlham Əliyevdə cəmləşib. O, müstəqil Azərbaycanı, xalqımızı işıqlı gələcəyə doğru aparmaqdadır. Bu yolda ona daha böyük uğurlar arzulayırıq.
          Məhz dəmir yolu da yuxarıda qeyd etdiyim kimi 90-cı illəri əvvəlinə tamamailə tənazülə uğramışdır. O zamanlar respublikadan kənara hərəkət edən yük və sərnişin qatarlarının hərəkəti tam dayandırılmışıdı. Dəmir yolunda xaos hökm sürürdü. Dəmirolçuar da artıq belə yaşamaqdan və işləməkdən bezmişdirlər və ancaq Heydər Əliyevin yenidən respublikaya siyasi rəhbərliyə qayıtmasında öz nicatlarını görürdülər. Belə də oldu və Heydər Əliyevin ikinci dəfə siyasi hakimiyyətə qayıdışından sonra Azərbaycan Dövlət Dəmir Yoluna əsil dəmiryolçu, islahatçı, yüksək idarəetmə bacarığı, dəmir yol iqtisadiyyatının bilicisi və qurucusu Z.Məmmədovun rəis təyin olunmasından sonra geniş imkanlar və işlərə başlandı. Respublikadan kənara hərəkət edən sərnişin və yük qatarlarının hərəkəti bərpa edildi.
          İlk əvvəl hərəkəti tam dayandırılmış Şimal istiqamətinə hərəkət edən sərnişin qatarlarının bərpası üzərində işlər aparılmış və əvvəlcə 1996-cı ilin oktyabr ayında «Bakı-Mahaçkala» sərnişin qatarının hərəkəti bərpa edilmişdir. 1997-ci ilin may ayından etibarən Bakıdan Moskva, Kiyev şəhərlərinə və sonradan isə Rostov, Xarkov, Həştərxan, Sverdlovsk, Sankt Peterburq, Novosibirsk, Voronej, Tümen, Ulyanovsk, Simferopol, Odessa, Lvov, Samara, Çelyabinsk, Kislovodsk, İjevsk, Kazan, Saransk şəhərlərinə hərəkət edən sərnişin qatarları və qoşma vaqonlar təyin edilmiş, yeni sərnişin vağzalları və platformalar tikilib istifadəyə verilmişdir.
          1999-cu ilin oktyabrında yüksək standartlara cavab verən Bakı-Gəncə, 2002-ci ilin mart ayında Bakı-Mingəçevir, 2003-cü ili aprel ayında Bakı-Dərbənd və sentyabr ayında Bakı-Astara «Ekspress» qatarları respulikamızın vətəndaşlarının ixtiyarına verilmişdir. Yalama, Dəvəçi, Astara, Mingəçevir, Yevlax, Gəncə, Ağstafa, Böyük Kəsik, Ucar, Lökbatan, Kürdəmir, Bakı-sərnişin stansiyalarında tam yenidənqurma işləri aparılmışdır.
          1997-ci ildə Bakı-sərnişin vağzalında bilet satışının kompüterləşməsi reallaşmışdır. 1999-cu ilin sentyabr ayında Gəncə vağzalında, 2005-ci ilin iyul ayında Biləcəri stansiyasında, 2007-ci ildə Sumqayıt və Mərdəkan stansiyalarında, 2008-ci iln may ayında Lökbatan dayanacağında, 2009-cu ildən isə Dəvəçi, Xaçmaz, Xudat, Yalama stansiyalarında bilet satış tam kompüterləşdirilmişdir. Bu da qatarlarına boş yerlə getməsinin qarşısını alır və əldə olunan gəlirə nəzarəti artırır və neqativ hallara yol verilməməsinin qarşısını alır. Artıq bilet kassiri və ya digər rəhbər işçi tərəfindən yerlərin ehtiyyatda saxlanılmasına yol verilmir.
          Bu gün Gəncə şəhər bilet kassasında sərnişin qatarlarına avtomatlaşdırılmış bilet satışı sisteminin tətbiqi də bu proseslərin davamıdır. Sərnişinlər eyni zamanda artıq geriyə qayıdış və ya digər istiqamətdə gediş bileti alm aq üçün gedib Bakı şəhərində bilet kassasının qarşısında növbədə dayanmaq lazım gəlməyəcəkdir. Artıq Gəncədən Bakıya getmədən belə bir bileti almaq imkanı olacaqdır.
          Gəncə şəhər İcra Hakimiyyəti başçısının müavini Şahmalı Cavadov, DPİB rəisinin qərb istiqaməti üzrə müavini Füzuli Kərimov və digərləri də öz çıxışlarında Milli Qurtuluş Günündə Gəncə şəhər bilet kassasında sərnişin qatarlarına avtomatlaşdırılmış bilet satışı sisteminin əsl bayram hədiyyəsi olduğunu bildirdilər.
          Sonra ilk sərnişinlərə Gəncədən Bakıya və əks istiqamətə, eləcə də müxtəlif istiqamətlərə biletlər satıldı.

            Yazdı: Vasif SÜLEYMAN

          8-9 iyun 2009-cu il tarixdə Moskva şəhərində Dəmiryolçuların Həmkarlar İttifaqları Beynəlxlaq Konfederasiya Şurasının növbəti XXXV iclası keçiriləcək. Tədbirdə iclaslaraası dövr ərzində görülən işlər, qarşılıqlı əlaqələrin genişləndirilməsi məsələləri müzakirə ediləcək.
          Digər bir tədbir iyunun 10-dan 16-dək isə Çexiya dəmiryolçularının Həmkarlar İttifaqının təcrübəsinin öyrənilməsi üçün Praqa şəhərində keçiriləcək. Hər iki tədbirdə ölkəmizi Azərbaycan Dəmiryolçulranın Müstəqil Həmkarlar İttifaqı Respublika Komitəsinin sədri Fəzail Bağırov, təşkilat şöbəsinin müdiri Samir Böyükzadə və «Lokomotiv» İstehsalat Birliyi Birləşmiş Həmkarlar İttifaqı Komitəsinin sədri Niyaz İsayılovdan ibarət nümayəndə heyəti təmsil edəcək.

            Azərbaycan Dövlət Dəmir Yolunun
            Mətbuat Xidmətinin rəisi   Nadir Əzməmmədov

          Dəmir Yollarının Əməkdaşlığı Təşkilatının (DYƏT) Nazirlər Müşavirəsinin XXXVII sessiyası 2-5 iyun 2009-cu ildə Qazaxıstanın paytaxtı Astana şəhərində keçirilir.

          Sessiyada aşağıdakı məsələlər müzakirə olunacaq:

• 2008-ci il ərzində DYƏT-in fəaliyyəti haqqında;
• 2008-ci il ərzində DYƏT-in təftiş komissiyasının hesabatı;
• DYƏT-in əsaslandırma sənədlərinin təkmilləşirilməsi üzrə müvəqqəti içi qrupunun işi haqqında;
• DYƏT-in Nizamnaməsi və digər əsas sənədlərinin Layihəsi haqqında;
• Sərnişin daşınmanın təftişi üzrə Müvəqqəti işçi qrupunun fəaliyyəti haqqında;
• Yük daşınmalarının təftişi üzrə Müvəqqəti işçi qrupunun fəaliyyəti haqqında;
• 2010-cu və növbəti illər üçün DYƏT-in fəaliyyət proqramı haqqında;
• DYƏT üzvlərinin üzvlük haqları üzrə borcu haqqında;
• DYƏT Komitəsinin büdcəsi (2009-cu il üçün son, 2010-cu il üçün təqribi);
• DYƏT Komitəsinin məkanı haqqında;
• DYƏT Nazirlər Müşavirəsinin XXXVIII sessiyasının keçirilmə tarixi,yeri və gündəliyi layihəsi haqqında.

          Tədbirdə Azərbaycan Dövlət Dəmir Yolunun baş mühəndisi Qurban Nəzirovun rəhbərlik etdiyi nümayəndə heyəti də iştirak edir.

            Azərbaycan Dövlət Dəmir Yolunun
            Mətbuat Xidmətinin rəisi   Nadir Əzməmmədov

   YADDAŞ ÜÇÜN:

• Dəmir Yollarının Əməkdaşlığı Təşkilatı (DYƏT) 28 iyun 1956-cı ildə Sofiya şəhərində (Bolqarıstan Respublikası) dəmir yoluna rəhbərlik edən nazirlərin nazirlər müşavirəsində yaradılmışdır. DYƏT-in mövcud olması və işi beynəlxalq xarakter daşıyan DYƏT haqqında Əsasnaməyə əsaslanır. 27 ölkənin dəmir yolu nəqliyyatına rəhbərlik edən nəqliyyat nazirlikləri və mərkəzi dövlət orqanları DYƏT-in üzvləridir.
• DYƏT-in Əsasnaməsinə əsasən bu qurumun işində bilavasitə dəmir yollarının fəaliyyəti ilə əlaqədə olan təşkilatın digər formada iştirak etməsi də mümkündür.
• DYƏT-in ali rəhbər orqanı Nazirlər Müşavirəsi, dəmir yolu müəssisələri səviyyəsində DYƏT-in dəmir yolları baş direktorlarının Konfransıdır. DYƏT-in icra orqanı Komitədir.
• DYƏT-in işçi orqanları Komissiyalar, bundan başqa DYƏT-in daimi işçi qrupları da vardır.
• Azərbaycan Dövlət Dəmir Yolu 1993-cü ilin iyul ayından Dəmir Yollarının Əməkdaşlığı Təşkilatının (DYƏT) üzvüdür.

          2009-cu ilin may ayının 31-dən etibarən Azərbaycan Dövlət Dəmir Yolunun Respublikadan kənara şimal istiqamətdə hərəkət edən sərnişin qatarlarının hərəkət cədvəllərində dəyişikliklər ediləcəkdir:

• 55/56 saylı Bakı-Moskva qatarı həftədə 3 dəfə olmaqla həftənin birinci, üçüncü və beşinci günləri, saat 19-10-da Bakıdan yola düşür, həftənin bazar, ikinci və dördüncü günləri saat 9-15-də Bakıya gəlir. Sərnişin axının artarsa Bakıdan həftənin altıncı günləri əlavə qatar təyin olunacaqdır.
• 31/32 saylı Bakı-Kiyev qatarı həftədə 1 dəfə olmaqla həftənin ikinci (birinci günləri əvəzində) günləri, saat 22-45-də Bakıdan yola düşür, həftənin birinci (bazargünləri əvəzində) günləri saat 22-32-də Bakıya gəlir.
• 369/370 saylı Bakı-Xarkov qatarı həftədə 1 dəfə olmaqla həftənin dördüncü günləri, saat 22-45-da Bakıdan yola düşür, həftənin ikinci günləri saat 22-32-də Bakıya gəlir.
• Yeni hərəkət cədvəlində Azərbaycan Dövlət Dəmir Yoluna məxsus heyətlə hərəkət edən 391/392 saylı Bakı-Rostov qatarı ləğv olunur, əvəzinə Şimali Qafqaz dəmir yoluna məxsus yeni 391/392 saylı Bakı-Rostov qatarı təyin olunacaqdır. Qatar Bakıya həftənin birinci və altıncı günləri saat 9-15 çatıb həmin gün saat 22-45-də yola düşəcəkdir.
• 373/374 saylı Bakı-Tümen qatarı hərəkətdə hər gün olmaqla, saat 16-10-da Bakıdan yola düşür, saat 19-36-da Bakıya gəlir.
• 313/314 saylı Bakı-Sankt-Peterburq qatarı həftədə 1 dəfə olmaqla həftənin üçüncü günləri, saat 22-45-də Bakıdan yola düşür, həftənin üçüncü günləri saat 9-15-də Bakıya gəlir.
• 621/622 saylı Bakı-Mahaçqala «Ekspress» qatarı günaşrı olmaqla ayın cüt tarixləri, saat 7-00-da Bakıdan yola düşür, ayın tək tarixləri saat 4-52-də Bakıya gəlir.
• May ayının 25-dən başlayaraq birbaşa Bakı-Simferopol (yalnız yay mövsümündə), Lvov-Bakı, Odessa-Bakı və qoşma Dnepropetrovsk-Bakı vaqonları 31/32 saylı Bakı-Kiyev qatarının heyətində; qoşma Samara -Bakı, Ufa-Bakı, Çelyabinsk-Bakı, Saratov-Bakı və birbaşa Saransk-Bakı (yay mövsümündə), İjevsk-Bakı (payız-qış mövsümündə), Novosibirsk-Bakı, Ulyanovsk-Bakı, Kazan-Bakı vaqonları 373/374 Bakı-Tümen qatarının heyətində, Həştərxan-Bakı vaqonu 313/314 Bakı-Sankt-Peterburq qatarının heyətində hərəkət edəcəklər.
  Birbaşa İjevsk-Bakı, Kazan-Bakı və Ulyanovsk-Bakı Bakıya 56/55 Moskva-Bakı qatarının tərkibində gəlir və geriyə 373/374 Bakı-Tümen qatarının tərkibində yola düşəcəkdir.
• 38/37 saylı Bakı-Tbilisi qatarı hərəkətdə hər gün olmaqla, saat 22-00-da (20-35 əvəzinə) Bakıdan yola düşür, saat 9-26-da Bakıya gəlir.

   Yerli istiqamətdə:

• Yeni hərəkət cədvəlindən texniki səbəblərə görə yerli istiqamətində hərəkət edən 678/677 Bakı-Gəncə sərnişin qatarı ləğv olunur.
• 96/97 saylı Bakı-Ağstafa «firma» qatarı hərəkətdə hər gün olmaqla, saat 23-05-də (23-00 əvəzinə) Bakıdan yola düşəcəkdir.
• 662-666/661-665 saylı Bakı-Qazax-Böyük/Kəsik qatarı hərəkətdə hər gün olmaqla, saat 22-35-də (21-50 əvəzinə) Bakıdan yola düşəcəkdir.

            Azərbaycan Dövlət Dəmir Yolunun
            Mətbuat Xidmətinin rəisi   Nadir Əzməmmədov

   MDB və Baltikyanı ölkələrin Dəmir Yolu Nəqliyyatı Şurasının 49-cu toplantısının qərarı ilə Şuranın 50-ci toplantısı 21-22 may 2009-cu ildə Minsk şəhərində keçiriləcəkdir. Yığıncaqda aşağıdakı məsələlərin müzakirə edilməsi nəzərdə tutulur:

• Şuranın 49-cu iclasının qərarlarının yerinə yetirilməsi;
• 2008-ci və 2009-cu ilin I kvartalı ərzində dəmir yolları üzrə istismar işlərinin yekunları haqqında;
• Yük qatarları üzrə hərəkət cədvəlinin, onların və Beynəlxalq daşınmada konteynerli vaqonların tərtibat planlırının işlənib hazırlanması haqqında;
• 2008-ci ildə konteynerlərin siyahıyaalınması və 2009-cu il üçün yük vaqonlarının qabaqcadan siyahıyaalınmasının yekunları haqqında;
• MDB dövlətlərinə, Latviya, Litva və Estoniya Respublikalarının dəmir yolu administrasiyalarına məxsus konteynerlərin zədələnməsi üzrə məsuliyyət Qaydalarına dəyişikliklərin və əlavələrin edilməsi və təmir məbləğinin ödənilməsi haqqında;
• Birlik üzvü olan dövlətlərin dəmir yolu xətlərində yüklərin vaqon və konteynerlərlə daşınmasında plomblama qurğularının tətbiqi Qaydalarına əlavə və dəyişikliklərin edilməsi haqqında;
• 2008-ci il və 2009-cu ilin I kvartalı üçün dəmir yolu administrasiyaları arasında qarşılıqlı hesablaşmaların vəziyyəti haqqında;
• MDB dövlətləri və Latviya, Litva, Estoniya Respublikaları üzrə Dəmir Yolu Nəqliyyatı Şurasının islahat və struktur dəyişiklikləri məsələləri Komissiyasının Təlimatının təsdiq edilməsi haqqında;
• 2008-ci il noyabrın 14-də Müstəqil Dövlətlər Birliyi Hökumət başçıları Şurasının qərarı ilə təsdiq olunmuş “2020-ci ilədək MDB dövlətlərinin əməkdaşlıq prioritetlərinin istiqamətləri” proqramının həyata keçirilməsi haqqında;
• Dövlətlərarası qovuşuq məntəqələrində sərnişin qatarlarının təhvil verilməsində gecikmələrə görə iqtisadi məsuliyyət haqqında;
• 2008-ci il üçün 1996-cı il oktyabrın 18-də MDB hökumət başçıları Şurasının dəmir yolu nəqliyyatında razılaşdırılmış tarif siyasəti Konsepsiyası üzrə qərarının yerinə yetirilməsi haqqında;
• Sertifikatlaşdırma sahəsində dəmir yolunda texniki vasitələrin istismarı və təmiri, təhlükəsizliyi üzrə Dövlətlərarası texniki komitənin işi haqqında;
• MDB dövlətlərinin dəmir yolu nəqliyyatı işçilərinin və onların ailə üzvlərinin sanator-kurort müalicəsinin təmin olunmasında dəmir yolu administrasiyalarının qarşılıqlı əməkdaşlıq Reqlamenti haqqında;
• Müstəqil Dövlətlər Birliyinə üzv dövlətlərin dəmir yolu nəqliyyatı Şurasının sədri və müavinləri haqqında;
• 2009-cu il üçün dəmir yolu adminstrasiyalarının və Şuranın fəaliyyətinin koordinasıyası üzrə “RDY” ASC-nin filialının xərclərinin ödənilməsi üzrə Smeta haqqında; 2008-ci il üçün Şuranın fəaliyyətinin təmin olunmasına yönəldilmiş Smetanın icra edilməsi üzrə Təftiş komissiyasının hesabatı haqqında;
• Dəmir Yolu administrasiyalarının 2008-ci il üçün Məlumat-hesablama mərkəzinin fəaliyyətinin təmin olunmasına yönəldilmiş Smeta xərclərinin yerinə yetirilməsi haqqında;
• 2009-cu il üçün “Fəxri dəmiryolçu” döş nişanının bölgüsü haqqında;
• Dəmir yolu nəqliyyatı Şurasının Fəxri fərmanla təltif edilməsi haqqında;
• Dəmir yolu nəqliyyatı Şurasının 51-ci iclasının keçirilmə yeri, tarixi və gündəliyi haqqında.
• Tədbirdə Azərbaycan Dövlət Dəmir Yolunun rəisi Arif Əsgərovun rəhbərlik etdiyi nümayəndə heyəti də iştirak edəcəkdir.

            Azərbaycan Dövlət Dəmir Yolunun
            Mətbuat Xidmətinin rəisi   Nadir Əzməmmədov