Menu / Меню

RFCFTS
RFCFTS Doc's  List
|



Powered by
Wikipedia and ASRRGlobal Team.
RFCFTS Manager is
ASRRGlobal Team.
Language support

SITESELF

English

Germany

Ukraine

Byelorussia

France

Lithuania

Latvia

Estonia

Czech

Spain

Poland

Italy

Norway

Hungary

powered by Google
Last incoming
Stats / Статистика
Главная » Официальные новости ЗАО "АЖД"
Официальные новости ЗАО "АЖД" [24]
Официальные новости ЗАО "АЖД", официально объявленные работниками ЗАО "АЖД".
Особые новости [11]
Особые новости повышенной важности.
Новости RFCFTS [5]
Новости документов RFCFTS, включая информацию об изменениях и дополнениях.
Неофициальные новости ЗАО "АЖД" [3]
Неофициальные новости ЗАО "АЖД" от ASRRGlobal Team.
Официальные новости проекта ADDY: Animated Legends [10]
Официальные новости о ходе строительства маршрута ADDY: Animated Legends (ADDY_958); информация, скриншоты, планы, сообщения, объявления и прочее.

1 2 3 »
OSMANLI-AZADKƏND MƏNZİLİNDƏ SUYUN DİGƏR TƏRƏFƏ ÖTÜRÜLMƏSİ ÜÇÜN 5 YERDƏN DƏMİR YOLU YATAĞI YARILIB
          Xəbər verdiyimiz kimi, Kür çayının məcrasından çıxması və suyun səviyyəsinin qalxması ilə əlaqədar «Azərbaycan Dəmir Yolları» Qapalı Səhmdar Cəmiyyətinin kollektivi gücləndirilmiş iş rejiminə keçib. Daşqınlar nəticəsində dəmir yolunun Şirvan-Astara istiqamətində problemlər yaranıb. 9 may saat 16. 30-dan etibarən Astara istiqamətində qatarların hərəkəti dayandırılıb.

          Osmanlı-Azadkənd mənzilini sel suları basdığına görə 15-ci km-də subasmanın qarşısını almaq üçün yarılan yol yatağı 80 metrə qədər genişlənib. Son məlumata görə, həmin istiqamətdə 10 kilometrə yaxın yolun torpaq yatağı sel suları nəticəsində çökməyə məruz qalıb. Artıq bərpa işləri gedir. Daşqınların yaratdığı fəsadları aradan qaldırmaq üçün Osmanlı-Azadkənd mənzilini 15-ci kilometrində yeni körpünün salınmasının və yolun bərpasının layihəsi hazırlanır.
         
Ümumiyyətlə 6-7 may 2010-cu ildə Kür çayının daşması ilə əlaqədar Şirvan-Osmanlı və Azadkənd sahəsində dəmir yolunda görüləcək işlər aşağıdakılardan ibarətdir: 2 ədəd 2000 mm-lik dəmir–beton borunun tikintisi; 100 p/m. yolun torpaq yatağının bərpası; 100 p/m. yolun üst quruluşu elementlərinin (rels şpal, bərkidicilər və ballast qatı) quraşdırılması; 10 km məsafədə torpaq yatağında yaranmış bir tərəfli yatmaların ləğv olunması; rabitə və yan elektrik xətlərinin bərpa olunması.
         
Bu arada dəmir yolunun Şirvan-Astara istiqamətində daşqınların yaratdığı fəsadlar artmaqda davam edir. Kürdə suyun səviyyəsinin artması ilə əlaqədar dəmir yolunun Azadkənd-Salmanlı mənzilinin 19-cu, 21-ci ( 2 yerdə) və 24–cü kilometrlərində də (cəmisi 5 yerdə subasmanın qarşısını almaq məqsədi ilə dəmir yolunun yatağının altından suyun digər istiqamətə ötürülməsi dəmir yolu xəttinin altından yol açılmışdır.
         
          «Azərbaycan Dəmir Yolları»
          Qapalı Səhmdar Cəmiyyətinin
          Mətbuat Xidmətinin rəisi Nadir Əzməmmədov
Категория: Официальные новости ЗАО "АЖД" | Дата: 27.05.2010 | Автор: Nadir Əzməmmədov

«DƏMİR YOLU TİCARƏTİNİN VƏ NƏQLİYYATININ DƏSTƏKLƏNMƏSİ LAYİHƏSİ» ÜZRƏ TENDER KOMİSSİYASININ İCLASI KEÇİRİLMİŞDİR
          Ötən həftə «Azərbaycan Dəmir Yolları» Qapalı Səhmdar Cəmiyyətində Dəmir Yolu Ticarətinin və Nəqliyyatının Dəstəklənməsi Layihəsi» üzrə Tender Komissiyasının iclası keçirilmişdir.
          Tədbiri giriş sözü ilə Tender Komissiyasının sədri, Nəqliyyat Nazirliyinin Maliyyə və Kredit şöbəsinin müdiri Faiq Ələkbərov açdı. O, bildirdi ki, gündəlikdə aşağıdakı məsələ durur: «Azərbaycan Respublikası Hökuməti və Dünya Bankı tərəfindən maliyyələşdirilən «Dəmir Yolu Ticarətinin və Nəqliyyatının Dəstəklənməsi Layihəsi» çərçivəsində Bakı-Böyük-Kəsik dəhlizi boyu enerji təchizatının əvəz edilməsi, işarəvermə sisteminin yenilənməsi və lokomotivlərin alınması xidmətləri ilə bağlı məsləhətçi şirkətin cəlb edilməsi məqsədi ilə təkliflər sorğusu proseduru üzrə təqdim olunmuş texniki təkliflərin açılışı».
addy_n_14510.jpg
          F. Ələkbərov layihə haqqında məlumat verərək bildirdi ki, təkliflərin təqdim edilməsi üçün ilkin olaraq son tarix 15 aprel 2010-cu il Bakı vaxtı ilə saat 15:00-a qədər nəzərdə tutulmuş, lakin iştirakçıların xahişi ilə son tarix uzadılmış və 3 may 2010-cu il Bakı vaxtı ilə saat 15:00-a təyin olunmuşdur. Keyfiyyət və dəyər əsasında seçimə əsaslanan tender proseduru üzrə texniki və maliyyə təklifləri təqdim etmiş iddiaçıların texniki təkliflərin təqdim edilməsi üçün təyin olunmuş son vaxt bitdikdən dərhal sonra, maliyyə təklifləri isə yalnız texniki cəhətdən qiymətləndirmə başa çatdıqdan və tələb olunan minimum 70 bal toplamış iddiaçıların maliyyə təklifləri Dünya Bankının xüsusi razılığından sonra açılır.
          Komissiya sədri bildirdi ki, bu layihədə iştirak etmək üçün 14 ölkədən 20 şirkət öz maraqlarını ifadə etmişdir. Dünya Bankının meyarlarına uyğun olan 6 iddiaçı şirkətə təkliflər sorğusu prosedurunda iştirak etmək üçün dəvətnamələr göndərilmişdir. Bir şirkət məktubla müraciət edərək öz təkliflərini göndərməkdən imtina etmişdir.
          Sonra layihənin meneceri Fərrux Heybətov təqdim olunan texniki təklifləri iştirakçılara təqdim etdi və müvafiq olaraq «Qısa siyahı»ya daxil edilmiş təkliflər daxil olduğu ardıcıllıqla açılaraq hər bir iddiaçının adı, ölkəsi və təqdim etdiyi dəstlərin sayı elan olundu: EGİS BCEOM İnternational (Fransa) - EGİS Rail (Fransa); Italferr S.p.A (Italiya) – Lengiprotrans JSC (Rusiya) - SGI S.p.A (Italiya) – ICON Int. (Türkiyə) – Consulint S.p.A (İtaliya); Korea Rail Network Authority (Koreya) Chungsuk Engineering Co.Ltd. (Koreya) – Pyungwa Engineering Consultants Ltd. (Koreya) – Seoyeong Engineering Co.Ltd. (Koreya); İDOM ingeniera y S.A. (İspaniya) – WYG (İngiltərə) – Ardanuy İngeneriya S.A. (İspaniya) – İnnova Construction & Contracting MMC (İspaniya)- AZTRANREIL MMC (Azərbaycan); Kaspi-EL (Azərbaycan) – KwangMyung Electric Co.LTD (Koreya) – "EMH Electro Mechanic service Ltd” (Türkiyə) – "Sibgiproptans”JSC (Rusiya) – "Niiefa Energo” LLC (Rusiya) – "Energoatomengineering” CJSC (Rusiya) – "Lenpromtrasproekt” JSC (Rusiya).
          Tender Komissiyasının sədr müavini, «Azərbaycan Dəmir Yolları» Qapalı Səhmdar Cəmiyyətinin sədr müavini, Qurban Nəzirov çıxış edərək öz fikir və mülahizələrini bildirdi.
          Sonda texniki təkliflərin açılışında iştirak edən Tender Komissiyasının sədri, Nəqliyyat Nazirliyinin Maliyyə və Kredit şöbəsinin müdiri Faiq Ələkbərov, Tender Komissiyasının sədr müavini, «Azərbaycan Dəmir Yolları» Qapalı Səhmdar Cəmiyyətinin sədr müavini, Qurban Nəzirov, Komissiyanın üzvləri - Nəqliyyat Nazirliyinin Maliyyə və Kredit şöbəsinin müdir müavini İlham Daşdəmirov, İqtisadi İnkişaf Nazirliyinin Dövlət investisiyaları şöbəsinin müdir müavini Əli Hacıyev, Maliyyə Nazirliyinin İnfrastruktur təyinatlı layihələrin maliyyəsi şöbəsinin sektor müdiri Azər Məmmədli, Nəqliyyat Nazirliyinin Maliyyə və Kredit şöbəsinin sektor müdiri Arif Əbdüləzizov, Nəqliyyat Nazirliyinin nəqliyyat siyasəti və iqtisadiyyat şöbəsinin müdir müavini Fərman Səfərov, «Azərbaycan Dəmir Yolları» Qapalı Səhmdar Cəmiyyətinin İnfrastruktur Departamentinin rəisi Füzuli Quliyev, «Azərbaycan Dəmir Yolları» Qapalı Səhmdar Cəmiyyətinin Yük daşımaları Departamentinin baş mühəndisi Nəriman Nağıyev tender təkliflərinə dair elan olunan məlumatları əks etdirən protokolu imzaladılar.
         
         
Vasif SÜLEYMAN
         
Ziya ZAKİROĞLU (foto)
Категория: Официальные новости ЗАО "АЖД" | Дата: 14.05.2010 | Автор: Vasif SÜLEYMAN

«AZƏRBAYCAN DƏMİR YOLLARI» QSC SERBİYANIN KRALYEVO VAQONQAYIRMA ZAVODUNUN NÜMAYƏNDƏ HEYƏTİ İLƏ İKİTƏRƏFLİ GÖRÜŞ KEÇİRİLMİŞDİR
          «Azərbaycan Dəmir Yolları» Qapalı Səhmdar Cəmiyyətində Serbiyanın Kralyevo Vaqonqayırma Zavodunun nümayəndələri ilə ikitərəfli görüş keçirilmişdir. Görüşdə «Azərbaycan Dəmir Yolları» QSC-nin sədri Arif Əsgərov qonaqlara dəmir yolunda aparılan islahatlar, əldə olunan nəticələr, beynəlxalq nəqliyyat layihələrində iştirak barədə geniş məlumat vermişdir.
addy_n_13510.jpg
          Kralyevo Vaqonqayırma Zavodunda keyfiyyətinə görə dünya standartlarına cavab verən enerji daşıyıcı vasitəsi olan vaqon və sisternlər istehsal edilir.
          Fikir mübadiləsi zamanı qarşılıqlı əlaqələrin daha da genişləndirilməsi məsələləri müzakirə edilmişdir. Serbiyanın Kralyevo Vaqonqayırma Zavodunun baş direktorunun vəzifəsini icra edən Voşko Slavkoviç, «QOŞA» dəmir yolu zavodunun satış üzrə meneceri Uros Vljiç çıxış edərək rəhbərlik etdikləri vaqonqayırma zavodlarında istehsal olunan müxtəlif təmayüllü vaqonlar haqqında geniş məlumat verdilər.
          Azərbaycan Respublikasının Serbiyadakı fövqəladə və səlahiyyətli səfiri Eldar Həsənov Azərbaycanla Serbiya arasındakı mövcud əlaqələrdən, bu əlaqələrin daha da genişləndirilməsi istiqamətdə hər iki ölkə başçısının gördüyü böyük işlərdən danışdı.

          «Azərbaycan Dəmir Yolları»
          Qapalı Səhmdar Cəmiyyətinin
          Mətbuat Xidmətinin rəisi  Nadir Əzməmmədov
Категория: Официальные новости ЗАО "АЖД" | Дата: 14.05.2010 | Автор: Nadir Əzməmmədov

"AZƏRBAYCAN DƏMİR YOLLARI" QSC MÜƏSSİSƏLƏRİ ARASINDA "SAĞLAM ƏTRAF MÜHİT, TƏMİZ HAVA, TƏMİZ SU" MÜSABİQƏSİNƏ START VERİLDİ
          Azərbaycan Respublikasının Prezidenti İlham Əliyevin təşəbbüsü ilə 2010-cu il ölkəmizdə "Ekologiya ili” elan edilmişdir. Ətraf mühitin mühafizəsi və əhalinin sağlamlığı məsələlərinə böyük diqqət və qayğı göstərən dövlət başçısının bu təklifi ilə respublikamızda çox əhəmiyyətli genişmiqyaslı aksiya başlanmışdır.
          Dövlət Başçısının bu təşəbbüsünü dəstəkləyərək, dəmir yolu nəqliyyatında ətraf mühitin qorunması istiqamətində məqsədyönlü işlərin görülməsi, təsərrüfatların fəaliyyəti nəticəsində əmələ gələn tullantıların təhlükəli təsirinin azaldılması, təbiətdə ekoloji tarazılığın təmin olunması, bu sahə ilə bağlı vəziyyətin mütəmadi olaraq öyrənilməsi və yaxşılaşdırılması, dəmir yolu ərazisində aparılan abadlıq və yaşıllaşdırma işlərinin gücləndirilməsi və bunun üçün qanunvericiliklə müəyyən edilmiş qaydada iqtisadi həvəsləndirmənin və tullantılarla əlaqədar iqtisadi stimullaşdırmanın tətbiqilə əlaqədar, səmərəli fəaliyyət göstərən və yüksək nailiyyətləri ilə fərqlənən müəssisələrin əməyinin qiymətləndirilməsi məqsədilə "Azərbaycan Dəmir Yolları” Qapalı Səhmdar Cəmiyyətinin sədri Arif Əsgərov «Sağlam ətraf mühit, təmiz hava, təmiz su” müsabiqəsinin keçirilməsi haqqında» əmr imzalamış və Azərbaycan Respublikasının Prezidenti cənab İlham Əliyevin təşəbbüsü ilə ”Ekologiya İli” elan olunmuş 2010-cu il üçün "Azərbaycan Dəmir Yolları” Qapalı Səhmdar Cəmiyyətinin ətraf mühitin qorunması və ekoloji tarazlığın təmin olunmasına dair Tədbirlər Proqramını təsdiq etmişdir.
          "Sağlam ekoloji mühit, təmiz hava, təmiz su” müsabiqəsinin keçirilməsinin təşkili və təmini və həmin müsabiqənin nəticələrinə görə təsis edilmiş mükafatların təltif edilməsi üçün «Azərbaycan Dəmir Yolları» Qapalı Səhmdar Cəmiyyətinin sədr müavini Qurban Nəzirovun rəhbərliyi ilə Komissiya yaradılıb.
          Tədbirlər proqramına əsasən yerlərdə, ətraf mühitin qorunub mühafizə edilməsi istiqamətində görülən işlərin səmərəliliyin təmin edilməsi, vəziyyətinin öyrənilməsi və bu məqsədlə müvafiq işlərin aparılması, müəssisə ərazilərinin ekoloji və sanitar- gigiyena tələblərinə cavab verməsinin müəyyənləşdirilməsi, abadlaşdırma və yaşıllaşdırma sahəsində görülən işlərə nəzər yetirməklə vaxtaşırı baxışlarin keçirilməsi, " Sağlam ekoloji mühit, təmiz hava, təmiz su” müsabiqəsinin ədalətli keçirilməsini və nominantların ən layiqlilərinin seçilməsini təmin edərək, Komissiyanın iclas protokolu əsasında müsabiqənin qaliblərini təyin etmək və onlarin, tutduqları yerlərə görə, "Azərbaycan Dəmir Yolları” Qapalı Səhmdar Cəmiyyətində təntənəli surətdə mükafatların təqdim olunması nəzərdə tutulur.
          Müsabiqədə qalib gəlmiş müəssisələr üçün aşağıdakı yerlər və mükafatlar təsis edilib:
          I - yer üçün - Fəxri Fərman və 1000 manat məbləğində pul mükafatı;
          II - yer üçün - Fəxri Fərman və 500 manat məbləğində pul mükafatı;
          III - yer üçün - Fəxri Fərman və 300 manat məbləğində pul mükafatı.
          "Azərbaycan Dəmir Yolları” Qapalı Səhmdar Cəmiyyətinin müəssisələri arasında keçirilən «Sağlam ətraf mühit, təmiz hava, təmiz su” müsabiqəsinə dekabr ayında yekun vurulacaq.
         
          «Azərbaycan Dəmir Yolları»
          Qapalı Səhmdar Cəmiyyətinin
          Mətbuat Xidmətinin rəisi   Nadir Əzməmmədov

Категория: Официальные новости ЗАО "АЖД" | Дата: 24.02.2010 | Автор: Nadir Əzməmmədov

TƏHLÜKƏSİZLİYİN TƏMİN OLUNMASINDA VƏTƏNDAŞLARIMIZ ÖZLƏRİ DƏ MARAQLI OLMALIDIRLAR
          Məlum olduğu kimi, «Nəqliyyat haqqında» Azərbaycan Respublikası Qanununun, Azərbaycan Respublikası Torpaq Məcəlləsinin və «Azərbaycan Respublikasının Nəqliyyat Nazirliyi haqqında Əsasnamə»nin tələblərinə uyğun olaraq Azərbaycan Respublikasının Nazirlər Kabineti 2005-ci il fevralın 23-də «Dəmir yolu nəqliyyatı təyinatlı torpaqlardan və dəmir yolunun xüsusi mühafizə zonasına aid torpaqlardan istifadə olunması Qaydaları»nın və «Dəmir yolları üçün və dəmir yolunun sanitariya-mühafizə zonası üçün torpaqayırma Normaları»nın təsdiq edilməsi haqqında 33 saylı qərar qəbul etmişdir.
image002_19022010.jpg
          Keçmiş İttifaq parçalandıqdan sonra müstəqil respublikamızda ölkə polad magistralının ahəngdar fəaliyyətinin təmin olunması yönündə hökumət səviyyəsində qəbul edilən ilk və olduqca gərəkli bir direktiv sənəddir. Bu qaydalarda respublika Nəqliyyat Nazirliyinin razılığı ilə «Azərbaycan Dəmir Yolları» Qapalı Səhmdar Cəmiyyətinin rəhbərliyi tərəfindən həyata keçirilən vacib tədbirlər də öz əksini tapmış, dəmir yolları və onun sanitariya və mühafizə zonası üçün torpaqayırma normaları da müəyyənləşdirilmişdir.
         
«Dəmir yolu nəqliyyatı təyinatlı torpaqlardan və dəmir yolunun xüsusi mühafizə zonasına aid torpaqlardan istifadə olunması Qaydaları»nda dəmir yolunun təhkim zolağının və xüsusi mühafizə zonasının, həmçinin sanitariya-mühafizə zonasının saxlanmasının şəhərsalma, ekoloji, sanitar-gigiyena, yanğın təhlükəsizliyi tələblərinə və Azərbaycan Respublikasının normativ hüquqi aktları ilə müəyyən olunmuş tələblərə uyğun olması göstərilmişdir.
         
Sənəddə həmçinin idarə və müəssisələrə verilən torpaq sahələrinin sanitariya və mühafizə zonası üçün normaları müəyyən edilmişdir. Belə ki, bu gərəkli sənəddə dəmir yolu ilə daşımaların həyata keçirilməsi və dəmir yolunun digər obyektlərinin normal istismarı ilə bağlı nəqliyyat və başqa texniki vasitələrin istismarı ilə əlaqədar əhalinin həyat və sağlamlığının qorunması, mühəndis qurğularının təhlükəsizliyinin və qatarların hərəkət təhlükəsizliyinin təmin edilməsi məqsədilə «Azərbaycan Dəmir Yolları» Qapalı Səhmdar Cəmiyyətinin və dalan yollarına malik olan təşkilatların, müəssisələrin və ya idarələrin üzərinə düşən konkret vəzifələr də öz əksini tapmışdır.
         
«Dəmir yolu nəqliyyatı təyinatlı torpaqlardan və dəmir yolunun xüsusi mühafizə zonasına aid torpaqlardan istifadə olunması Qaydaları»na əsasən dəmir yolunun xüsusi mühafizə zonası hüdudlarında yalnız dəmir yolu obyektlərinin möhkəmliyi və dayanıqlılığının təmin edilməsinə yönəldilmiş işlər görülə bilər. Xüsusi mühafizə zonası ərazisində hər hansı digər təsərrüfat fəaliyyəti qadağandır. Dəmir yolunun sanitariya-mühafizə zonasında torpaq sahələri onların mülkiyyətçiləri və ya istifadəçiləri tərəfindən yalnız bostan və tərəvəz becərilməsi, habelə örüş və ot çalımı məqsədləri üçün fiziki və hüquqi şəxslərə qısamüddətli istifadəyə verilə bilər. Lakin bu sənədlərə məhəl qoymayan vətəndaşlar dəmir yolunun bir neçə metrliyində evlər inşa edib ki, bu da həm qatarlar, həm də sakinlərin özləri üçün təhlükə yaradır.
         
«Azərbaycan Dəmir Yolları» Qapalı Səhmdar Cəmiyyəti tərəfindən keçirilən reydlər zamanı 2007-ci ildə Bakı və paytaxt ətrafı yaşayış massivlərində 400-dək qanunsuz tikili və hasar sökülmüşdür. Abşeron yarımadasında dəmir yolunun mühafizə zolağında inşa olunmuş qanunsuz tikililərə ən çox aşağıdakı ərazilərdə rast gəlinir: Nərimanov-Bakıxanov dəmir yolu sahəsinin 4,5,6,7,8,9,10-cu kilometrləri, Maştağa stansiyasının ərazisi, Səngəçal qəsəbəsi ətrafı dəmir yolu sahəsinin 484-cü kilometri, Xırdalan stansiyası ərazisinin 2638,2640-cı kilometrləri, Bakı-yük-Əhmədli dəmir yolu sahəsinin 7,8,9,10,11,12,13,14,15,16-cı kilometrləri, Bakı-sərnişin-Nərimanov dəmir yolu sahəsinin 1,2,3,4-cü kilometrləri, Bakı-sərnişin-Biləcəri dəmir yolu sahəsinin 2651,2653, 2646-cı kilometrləri, Keşlə-Biləcəri dəmir yolu sahəsinin 2648, 2649-cu kilometrləri, Yeni Neftayırma Zavodu-Əhmədli mənzilləri və stansiya yollarının kənarı, Yeni Suraxanı-Hövsan mənzili və stansiya yollarının kənarı, Qala-Mərdəkan, Binə-Qala-Pirallahı mənzilləri və stansiya yollarının kənarı, Fioletov-Nərimanov-Böyük Şor, Böyük Şor-II blok-post mənzilləri və stansiya yollarının kənarı, Bakı-Biləcəri, Biləcəri-Xırdalan, Bakı-Sumqayıt, Sabunçu- Zabrat-2-Mərdəkan, Yeni Suraxanı-Hövsan, Qala-Pirallahı, Bakı-yük-Keşlə-Əhmədli, Güzdək mənzilləri, 8-ci km-Bakıxanov, Bakıxanov-Sabunçu-Zabrat II mənzilləri və stansiya yollarının kənarı. Respublikanın digər yaşayış məntəqələrindən keçən dəmir yollarının ətrafında qeyri-qanuni tikililər və yaşayış və ticarət obyektləri mövcuddur.
         
Bununla əlaqədar müvafiq icra strukturlarına dəfələrlə müraciətlər edilmişdir. Belə ki, 2003-2007-ci illər Yol rəhbərliyi tərəfindən Bakı şəhərinin Binəqədi, Qaradağ, Abşeron, Nizami, Sabunçu, Xətai, eləcə də Dəvəçi, Siyəzən, Lənkəran, Tovuz, Şəmkir, Goranboy rayonlarının İcra Hakimiyyəti başçılarına, Ekologiya və Təbii Sərvətlər Nazirliyinə, Bakı Gigiyena və Epidemiologiya mərkəzitnə məktublar göndərilmişdir. Buna baxmayaraq dəmir yollarına və mühafizə zolaqlarına məişət və çirkab su tullantılarının sakinlər tərəfindən atılmasının qarşısı alınmayıb.
image004_19022010.jpg
          «Azərbaycan Dəmir Yolları» Qapalı Səhmdar Cəmiyyətinin «Yol təsərrüfatı» İstehsalat Birliyinin işçiləri Bakı, Sumqayıt və digər şəhərlərdə, eləcə də rayonlarda dəmir yolu və onun ətrafına sakinlər tərəfindən atılan məişət tullantılarını mütəmadi olaraq kran-dreyferlə vaqon platformalara yığılması işlərini həyata keçirir. Xüsusilə yaz və payız baxışları zamanı bu təmizlik işlərinə ciddi diqqət yetirilir. Ekologiya və Təbii Sərvətlər nazirinə bir neçə dəfə (№669-22.10.2004-cü il, 220-14.04.2005-ci il) müraciət etməyimizə baxmayaraq, xüsusi yer ayrılmadığından məişət tullantıları yüklənmiş platforma vaqonları stansiyalarda yığılıb qalır.
          Təhkim zolağı hüdudlarında müəyyən obyektin yerləşdirilməsinə Nəqliyyat Nazirliyinin razılığı ilə qanunvericilikdə nəzərdə tutulan qaydada rəsmi icazə verilə bilər.
          Təhkim zolağı hüdudlarında torpaq sahələrindən müvəqqəti istifadə edən hüquqi və fiziki şəxslər tərəfindən bu ərazilərdə hər hansı əsaslı tikinti işlərinin aparılmasına, həmin ərazilərdən qumun, gilin, digər tikinti materiallarının və torpağın götürülməsinə, dəmir yolu təyinatlı obyektlərin zərərli təbii təsirlərdən qorunması məqsədilə əkilmiş ağaclara təhlükə yaradan, hərəkət təhlükəsizliyinə ziyan vuran, dəmir yolu boyu görünməni pisləşdirən obyektlərin tikintisinə və yerləşdirilməsinə yol verilmir.
          Dəmir yolunun xüsusi mühafizə zonası, təhkim zolağı və sanitariya-mühafizə zonası hüdudlarında torpaq sahələrindən istifadə olunmasına, həmin işlərin icrası zamanı torpaqdan istifadə qaydalarına riayət olunmasına nəzarəti gücləndirmək sənəddə xüsusi cədvəllər də verilmişdir ki, orada təhkim zolağı üçün ayrılan torpaq sahələrinin eni kateqoriyalara görə öz əksini tapmışdır. Belə ki, müxtəlif kateqoriyadan olan dəmir yolları üçün tökmə yatağının hündürlüyü və qazma yatağının dərinliyindən asılı olaraq yerin eninə mailliyi müəyyənləşdirilib. Qaydalara əsasən dəmir yolu xəttindən maksimum və minimum məsafədə tikililərin aparılması normaları da müəyyənləşmişdir.
          Burada təhkim zolağı üçün ayrılmalı torpaq sahələrinin eni (metrlə) tökmə yatağın hündürlüyü (metrlə) və qazma yatağının gərəkliliyi (metrlə) I,II,III,IV və V kateqoriyalı dəmir yolları üçün xüsusi cədvəldə öz əksini tapmışdır. Həmçinin dəmir yoluna, fiziki və hüquqi şəxslərə məxsus obyektlərin harada və dəmir yolundan hansı məsafədə tikilməsinə icazə verildiyi əks olunmuşdur. Bir faktı da deyək ki, şəraitdən, dəmir yolu stansiyasının kateqoriyasından və dəmir yolu mənzilinin coğrafi mövqeyindən asılı olaraq dəmir yolunun kənar oxundan təhkim zolağının kənarına qədər müxtəlif məsafələrdə müəyyənləşdirilmişdir.
          Qeyd edək ki, bu problem təkcə mərkəzdə deyil, dəmir yolunun xətt boyu keçdiyi rayonların ərazisində də qanunsuz tikililər çoxdur. Təhlükəsizliyin təmin olunmasında təkcə dəmiryolçular deyil, hər bir vətəndaş məsuliyyət hiss etməlidir.
          Azərbaycan Respublikası Nazirlər Kabinetində keçirilən iclasda respublika əhəmiyyətli infrastrukturların mühafizə zolağında qanunsuz inşa olunmuş tikililərin inventarlaşdırılması və yekun siyahının hazırlanması və Nazirlər Kabinetinə təqdim olunması ilə bağlı cavabdeh orqanlara müvafiq tapşırıqlar verilib.
          Dəmir yolunda hərəkətin təhlükəsizliyin təmin edilməsi, baş verəcək qəza hallarının tez aradan qaldırılması üçün bu sahədə müəyyən işlərin görülməsi planlaşdırılır.
          Bununla bağlı «Azərbaycan Dəmir Yolları» Qapalı Səhmdar Cəmiyyətində xüsusi komissiya yaradılıb və təhkim zolağındakı qanunsuz tikililərin siyahıya alınması prosesinə başlanılıb. 15 gün müddətində siyahıya alınma işləri başa çatmalıdır.


          «Azərbaycan Dəmir Yolları»
          Qapalı Səhmdar Cəmiyyətinin
          Mətbuat Xidmətinin rəisi   Nadir Əzməmmədov

Категория: Официальные новости ЗАО "АЖД" | Дата: 19.02.2010 | Автор: Nadir Əzməmmədov

BEYNƏLXALQ SƏRNİŞİN QATARLARINDA GÖMRÜK VƏ SƏRHƏD YOXLAMALARI TƏKMİLLƏŞDİRİLMİŞDİR
          9 dekabr 2009-cu ildə saat 12.00-da Yalama sərhəd-keçid məntəqəsində «Azərbaycan Dəmir Yolları» Qapalı Səhmdar Cəmiyyəti, Dövlət Sərhəd Xidməti və Dövlət Gömrük Komitəsi nümayəndələrinin iştirakı ilə tədbir keçirilmişdir.
image003_news.jpg
          «Beynəlxalq sərnişin qatarlarında sərhəd-keçid şərtlərinin sadələşdirilməsi haqqında Konvensiya»nın tələblərinin yerinə yetirilməsi və sərnişinlərin rahatlığının təmin edilməsi, sərhəd-keçid şərtlərinin sadələşdirilməsi istiqamətində «Azərbaycan Dəmir Yolları» Qapalı Səhmdar Cəmiyətinin gördüyü işlər davam edir.
          9 dekabr 2009-cu ildə Yalama stansiyasında keçirilən tədbir də yeni texnologiyanın tətbiq olunmasına həsr olunmuşdur. Tədbiri giriş sözü ilə baş mühəndis Qurban Nəzirov açdı. O, bildirdi ki, bu gün təkcə dəmir yolunun deyil, eləcə də ölkəmizin ictimai həyatında mühüm bir hadisədir. Bilirsiniz ki, iyirminci əsrin sonlarından başlayaraq, ulu öndərimiz Heydər Əliyevin rəhbərliyi ilə bütün sahələrdə olduğu kimi, dəmir yolunda da əsaslı islahatlar aparılmağa başlandı. Həmin uğurlu işlər Azərbaycan Respublikasının Prezidenti İlham Əliyev tərəfindən uğurla davam etdirilir. Dəmir yolunda aparılan islahatların tərkib hissələrindən biri də beynəlxalq sərnişin qatarlarında sərhəd-keçid şərtlərinin sadələşdirilməsi idi.
         
Bu məqsədlə «Azərbaycan Dəmir Yolları» Qapalı Səhmdar Cəmiyyətinin rəhbərliyi bir sıra mühüm işləri həyata keçirdi. Onlardan biri də «Beynəlxalq sərnişin qatarlarında sərhəd-keçid şərtlərinin sadələşdirilməsi haqqında Konvensiya»nın tələblərinin yerinə yetirilməsi və sərnişinlərin rahatlığının təmin edilməsi, Yalama sərhəd-keçid məntəqəsinin işinin təkmilləşdirilməsi məqsədilə burada müasir tələblərə cavab verən sərhəd-nəzarət məntəqəsi inşa edilməsi idi.
         
Məlum olduğu kimi, 7 yanvar 2009-cu ildə «Yalama stansiyasının sərnişin və yük qatarları üzərində sərhəd-keçid məntəqəsi» obyekti istismara verilmişdir. Sərhəd-keçid məntəqəsində bir sıra tikinti-quraşdırma işləri yerinə yetirilmişdir. O cümlədən, stansiyasının vağzal binası əsaslı təmir olunmuş, 1463 metr uzunluğunda stansiya sahəsinin hasarlanmış və abadlıq işləri yerinə yetirimişdir.
         
Bir sözlə, Yalama və Xaçmaz stansiyalarında sərhəd və gömrük işçiləri üçün iş otaqları təmir edilərək yeni avadanlıqlarla təchiz edilmişdir.
         
Bilirsiniz ki, «Azərbaycan Dəmir Yolları» Qapalı Səhmdar Cəmiyyəti, Dövlət Sərhəd Xidməti və Dövlət Gömrük Komitəsi ilə birlikdə «Azərbaycan Respublikasının dövlət sərhəddindən Rusiya Federasiyasına və geriyə hərəkət edən sərnişin qatarlarının rəsmiləşdirilməsi və baxılması Texnologiyası»nı işləyib hazırlamışdır. Bu texnologiya artıq 30 noyabr 2009-cu ildən etibarən tətbiq edilir.
         
Yeni texnologiyanın tətbiqi və bununla əlaqədar olaraq beynəlxalq istiqamətdə hərəkət edən sərnişin qatarlarının hərəkət cədvəlində edilən dəyişikliklərlə bağlı qatar heyətləri, əlaqədar təsərrüfatların işçiləri, eləcə də ictimaiyyət məlumatlandırılmışdır. Dövlət Gömrük Komitəsi Gömrük Nəzarətinin Təşkili İdarəsinin rəisi Şahin Bağırov tədbirdə çıxış edərək Azərbaycanın Rusiya ilə sərhəd məntəqəsində tətbiq edilən yeni texnologiyanın əhəmiyyətindən danışdı. O, bildirdi ki, görülən işlər birinci növbədə sərnişinlərinin rahatlığının təmin olunmasına istiqamətlənib.
         
Dövlət Sərhəd Xidməti Xaçmaz Regional Sərhəd Məntəqəsinin rəisi Aydın Nəcəfov bildirdi ki, Sərhəd xidmətinin əməkdaşları quraşdırılmış monitorlar vasitəsilə 1500 məsafədə Yalama stansiyasının parkını tam müşahidə edə biləcək, istənilən xoşagəlməz hadisənin qarşısını təxirəsalınmadan alacaqlar. Sərhəd işçiləri üçün tikilib istifadəyə verilmiş blok-postda rahat iş şəraiti yaradılmışdır. Sərhəd məntəqəsində quraşdırılan video-kameralar, sərhəd-keçid məntəqəsində və stansiyanın ərazisində işıqlandırma sisteminin yeniləşdirilməsi müşahidə proseslərinin aparılmasına hər cür imkan yaratmışdır.
         
Sərnişin Daşıma İstehsalat Birliyinin rəisi Elyar Muradov jurnalistlərin suallarını cavablandırarkən bildirdi ki, əvvəllər 2455-ci kilometrdəki blok-postda sərhəd-keçib yoxlaması prosesi 1,5 saat vaxt tələb edirdi. Amma indi yeni texnologiyanın tətbiqi nəticəsində sərhəd-keçid şərtləri sadələşdirilmiş, sərnişinlərin rahatlığı təmin edilmişdir. Sərhəd-keçid məntəqələrində gömrük və sərhəd yoxlamalarının vaxtının azaldılması məqsədi ilə Bakıdan gedəndə sərnişin qatarlarında yoxlamalar Xaçmaz stansiyasında başlayacaq Yalama stansiyasında başa çatacaq, Bakıya gələndə isə yoxlamalar Yalama stansiyasında başlayacaq və Xaçmaz stansiyasında yekunlaşacaq.
         
Sonra tədbir iştirakçıları və KİV nümayəndələri Yalama stansiyasında 374-373 saylı Tümen-Bakı qatarına baxış keçirib Xaçmaz stansiyasına qədər sərhəd-keçid prosesini müşahidə etdilər.
         
          Vasif SÜLEYMAN

Категория: Официальные новости ЗАО "АЖД" | Дата: 12.02.2010 | Автор: Vasif SÜLEYMAN

MƏLUMAT
          6 yanvar 2010-cu il tarixdə saat 10.40-da Şimali Qafqaz Dəmir Yolunun Tarki-Mahaçqala mənzilinin 2292-ci kilometrində 31-32 saylı Bakı-Kiyev sərnişin qatarının hərəkəti Dağıstanın hüquq-muhafizə orqanları tərəfindən dayandırılmışdır.
          Buna səbəb dəmir yoluna partlayıcı maddənin qoyulmasıdır. Hazırda minaaxtaranlar partlayıcı qurğunun zərərsizləşdirilməsi istiqamətində işlər aparırlar. Qatarın hərəkəti dayandırılsa da, sərnişinlərin həyatı təhlükəsi yoxdur. Yaxın saatlarında hərəkətin bərpası gözlənilir. Qatardakı sərnişinlər quru yeməklə təmin olunublar.
          Bu gun hərəkət cədvəli üzrə Bakıdan gedən və Bakıya gələn sərnişin qatarlarının hərəkətində heç bir dəyişiklik olmayacaq.

          Bakıya gələn qatarlar:
          313-314 saylı Bakı-Sankt-Peterburq saat 8-13 gəlib
          373-374 saylı Bakı-Tümen – hadisə yerini keçib, 2 saat gecikmə ilə – saat 20.37 Bakıya gəlməsi gözlənilir.

          Bakıdan gedən qatarlar vaxtında yola düşəcək:
          373-374 saylı Bakı-Tümen -17.00
          55-56 saylı Bakı-Moskva -19-50
          313-314 saylı Bakı-Sankt-Peterburq -23.20

          Bakı vaxtı ilə saat 15.45-də qatarların hərəkəti bərpa olunmuşdur.

          «Azərbaycan Dəmir Yolları»
          Qapalı Səhmdar Cəmiyyətinin
          Mətbuat Xidmətinin rəisi   Nadir Əzməmmədov

Категория: Официальные новости ЗАО "АЖД" | Дата: 08.01.2010 | Автор: Nadir Əzməmmədov

«AZƏRBAYCAN DƏMİR YORLLARI» QSC-nin VƏ DÜNYA BANKININ NÜMAYƏNDƏLƏRİ ARASINDA GÖRÜŞ KEÇİRİLMİŞDİR
          14 dekabr 2009-cu ildə «Azərbaycan Dəmir Yolları» Qapalı Səhmdar Cəmiyyətində Dünya Bankının nümayəndələri ilə ikitərəfli görüş keçirilmişdir. Görüşdə «Dəmir Yolu Nəqliyyatı və Ticarətin Dəstəklənməsi Layihəsi» istiqamətində görülən işlər, layihənin hazırkı durumu və gələcək vəzifıələr müzakirə olunmuşdur.
         
Tədbiri giriş sözü ilə baş mühəndis Qurban Nəzirov açaraq bildirdi ki, dəmir yolunun yenidən qurulmasını həyata keçirmək üçün beynəlxalq maliyyə qurumları ilə danışıqlar prosesi özünün yeni mərhələsinə qədəm qoyub. «Dəmir Yolu Nəqliyyatı və Ticarətin Dəstəklənməsi Layihəsi» üzrə ölkəmizə gələn missiyaya layihənin rəhbəri Jerald Olivye rəhbərlik edir (Nümayəndə heyətinin tərkibinə nəqliyyat üzrə böyük mütəxəssis Marta Lorens, əməliyyatlar üzrə mütəxəssis Hacı Hüseynov, əməliyyatlar üzrə analitik Sofi Devsonadze, ətraf mühit üzrə mütəxəssis Gülana Hacıyeva, satınalmalar üzrə mütəxəssis Xesus Renzoli daxildirlər).
         
Q. Nəzirov bildirdi ki, hal-hazırda Dünya Bankı ilə 450 milyon dollar kreditin alınması istiqamətində danışıqlar aparılır. Alınacaq vəsaitə sabit cərəyandan dəyişən cərəyana keçid, işarəvermə və rabitə təsərrüfatının yenidənqurulması, yeni lokomotivlərin alınması, 240 km yolun əsaslı təmiri, beynəlxalq maliyyə-hesablama sisteminin tətbiq edilməsi nəzərdə tutulur. Dəmir yolunun Layihə İşçi Qrupu tərəfindən bütün texniki tapşırıqlar öz həllini tapıb.
         
Bu proseslər mərhələli xarakter daşıyır. İlkin mərhələdə layihə-icra təlimatının hazırlanmasıdır ki, bu, artıq başa çatiıb. İkinci mərhələdə kredit sazişinin imzalanmasıdır. İmzalanmanın yaxın günlərdə keçirilməsi nəzərdə tutulur. Bundan sonra isə layihə hesabının açılması proseduru həyata keçiriləcəkdir.
         
Missiyanın rəhbəri Jerald Olivye öz çıxışında bildirdi ki, görüşün əsas məqsədi kredit sənədləri imzalandıqdan sonra layihənin sürətli icrası məqsədi ilə onun bütün əsas komponentlərinin vəziyyətini nəzərdən keçirməkdən ibarətdir. Missiya həmdə layihənin qüvvəyə minməsi üçün atılacaq addımları nəzərdən keçirəcək. Dünya Bankının layihəsi tenderlər əsçasında həyata keçiriləcək.
         
16 dekabr 2009-cu ildə «Dəmir Yolu Nəqliyyatı və Ticarətin Dəstəklənməsi Layihəsi» üzrə ölkəmizə gələn Dünya Bankı missiyasını «Azərbaycan Dəmir Yolları» Qapalı Səhmdar Cəmiyyətinin sədri Arif Əsgərov qəbul etmişdir. O, qonaqları salamlayandan sonra bildirdi ki, «Dəmir Yolu Nəqliyyatı və Ticarətin Dəstəklənməsi Layihəsi»nin reallaşması istiqamətində Dünya Bankının fəaliyyəti çox önəmldidir. Bir həftə ərzində DB missiyasının dəmir yolunun müxtəlif sahələrində çalışan mütəxəssislərlə apardığı işgüzar müzakirələr prosesi daha da sürətləndirəcək.
         
Missiyanın rəhbəri Jerald Olivye çıxış edərək bildirdi ki, səfər çərçivəsində «Azərbaycan Dəmir Yolları» Qapalı Səhmdar Cəmiyyətinin rəhbər işçiləri, müvafiq İstehsalat Birliklərinin nümayəndələri ilə apardığı müzakirələrdən danışdı. İkitərəfli görüş işgüzar şəraitdə başa çatdı.

          «Azərbaycan Dəmir Yolları»
         
Qapalı Səhmdar Cəmiyyətinin
         
Mətbuat Xidmətinin rəisi   Nadir Əzməmmədov

Категория: Официальные новости ЗАО "АЖД" | Дата: 21.12.2009 | Автор: Nadir Əzməmmədov

«ŞİMAL-CƏNUB» BEYNƏLXALQ NƏQLİYYAT DƏHLİZİNİN REALLAŞMASI İSTİQAMƏTİNDƏ NÖVBƏTİ TƏDBİR TEHRANDA KEÇİRİLƏCƏKDİR
          «Şimal-Cənub» beynəlxalq nəqliyyat dəhlizinin reallaşması istiqamətində «Azərbaycan Dəmir Yolları» Qapalı Səhmdar Cəmiyyətinin, «Rusiya Dəmir Yolları» ASC-nin və İran Dəmir Yollarının işçi qruplarının növbəti üçtərəfli görüşünün 20-23 dekabr 2009-cu ildə İran İslam Respublikasının paytaxtı Tehran şəhərində keçiriləcəkdir.
          Tərəflər toplantıda «Şimal-Cənub» beynəlxalq nəqliyyat dəhlizinin tərkib hissəsi olan Qəzvin-Rəşt-Astara (İran)-Astara (Azərbaycan) xəttinin tikintisi ilə bağlı iqtisadi və texniki məsələlərin izahının baxılması, ilkin qoyulacaq sərmayənin yoxlanılması və üzvlər tərəfindən ödənilməsi, təklif olunan müştərək şirkətin yerinin təyini, şirkətin əsasnaməsinin başa çatdırılması və təsdiqi və digər məsələlərin müzakirə olunması nəzərdə tutulur. Tədbirdə Yol rəisinin müavini İqbal Hüseynovun rəhbərlik etidiyi nümayəndə heyəti də iştirak edəcəkdir.

          «Azərbaycan Dəmir Yolları»
         
Qapalı Səhmdar Cəmiyyətinin
         
Mətbuat Xidmətinin rəisi   Nadir Əzməmmədov

Категория: Официальные новости ЗАО "АЖД" | Дата: 21.12.2009 | Автор: Nadir Əzməmmədov

BEYNƏLXALQ SƏRNİŞİN QATARLARINDA GÖMRÜK VƏ SƏRHƏD YOXLAMALARI TƏKMİLLƏŞDİRİLİR
          9 dekabr 2009-cu ildə saat 12.00-da Yalama sərhəd-keçid məntəqəsində «Azərbaycan Dəmir Yolları» Qapalı Səhmdar Cəmiyyəti, Dövlət Sərhəd Xidməti və Dövlət Gömrük Komitəsi nümayəndələrinin iştirakı ilə tədbir keçiriləcəkdir.
          «Beynəlxalq sərnişin qatarlarında sərhəd-keçid şərtlərinin sadələşdirilməsi haqqında Konvensiya» nın tələblərinin yerinə yetirilməsi və sərnişinlərin rahatlığının təmin edilməsi, Yalama sərhəd-keçid məntəqəsinin işinin təkmilləşdirilməsi məqsədilə Yalama stansiyasında müasir tələblərə cavab verən sərhəd-nəzarət məntəqəsi inşa edilmişdir. Yalama və Xaçmaz stansiyalarında sərhəd və gömrük işçiləri üçün iş otaqları təmir edilərək yeni avadanlıqlarla təchiz edilmişdir.
          «Azərbaycan Dəmir Yolları» Qapalı Səhmdar Cəmiyyəti, Dövlət Sərhəd Xidməti və Dövlət Gömrük Komitəsi ilə birlikdə «Azərbaycan Respublikasının dövlət sərhəddindən Rusiya Federasiyasına və geriyə hərəkət edən sərnişin qatarlarının rəsmiləşdirilməsi və baxılması Texnologiyası» işlənib hazırlanmışdır.
          30 noyabr 2009-cu ildən etibarən «Azərbaycan Respublikasının dövlət sərhəddindən Rusiya Federasiyasına və geriyə hərəkət edən sərnişin qatarlarının rəsmiləşdirilməsi və baxılması Texnologiyası» tətbiq edilmişdir.
          Yeni texnologiyanın tətbiqi və bununla əlaqədar olaraq beynəlxalq istiqamətdə hərəkət edən sərnişin qatarlarının hərəkət cədvəlində edilən dəyişikliklərlə bağlı qatar heyətləri, əlaqədar təsərrüfatların işçiləri məlumatilandırılmışdır.
          Yeni texnologiyanın tətbiqi nəticəsində sərhəd-keçid şərtləri sadələşdirilmiş, sərnişinlərin rahatlığı təmin edilmişdir. Sərhəd-keçid məntəqələrində gömrük və sərhəd yoxlamalarının vaxtının azaldılması məqsədi ilə Bakıdan gedəndə sərnişin qatarlarında yoxlamalar Xaçmaz stansiyasında başlayacaq Yalama stansiyasında başa çatacaq, Bakıya gələndə isə yoxlamalar Yalama stansiyasında başlayacaq və Xaçmaz stansiyasında yekunlaşacaq.

          P. S. Məlum olduğu kimi, 7 yanvar 2009-cu ildə «Yalama stansiyasının sərnişin və yük qatarları üzərində sərhəd-keçid məntəqəsi» obyekti istismara verilmişdir. Məlumat üçün bildirək ki, obyektin tikintisinə 2008-ci ilin iyun ayında əvvəlində başlanmış və 01.12.2008-ci il tarixdə başa çatdırılmışdır. Sərhəd-keçid məntəqəsində bir sıra tikinti-quraşdırma işləri yerinə yetirilmişdir.
          Görülmüş işlər aşağıdakılardan ibarətdir:
  • Stansiyasının vağzal binası əsaslı təmir olunmuş, 1463 metr uzunluğunda stansiya sahəsinin hasarlanmış və abadlıq işləri yerinə yetirimişdir.
  • Sərhəd işçiləri üçün tikilib istifadəyə verilmiş blok-postda rahat iş şəraiti yaradılmışdır. Sərhəd məntəqəsində quraşdırılan video-kameralar, sərhəd-keçid məntəqəsində və stansiyanın ərazisində işıqlandırma sisteminin yeniləşdirilməsi müşahidə proseslərinin aparılmasına hər cür imkan yaratmışdır.
  • Sərhəd xidmətinin əməkdaşları quraşdırılmış monitorlar vasitəsilə 1500 məsafədə Yalama stansiyasının parkını tam müşahidə edə biləcək, istənilən xoşagəlməz hadisənin qarşısını təxirəsalınmadan alacaqlar.
          Bütövlükdə, sərhəd-keçid məntəqəsinin əməkdaşlarının iş şəraitinin yaxşılaşdırılması məqsədilə Xaçmaz stansiyasında 6, Yalama stansiyasında 10 otaq əsaslı təmir edilmiş, 5 otaqdan ibarət sərhədçi blok-postu tikimlib istifadəyə verilmişdir (bütövlükdə 21 otaq olmaqla).

          «Azərbaycan Dəmir Yolları»
          Qapalı Səhmdar Cəmiyyətinin
          Mətbuat Xidmətinin rəisi Nadir Əzməmmədov


Категория: Официальные новости ЗАО "АЖД" | Дата: 09.12.2009 | Автор: Nadir Əzməmmədov

1-10 11-20 21-24
Пятница, 22.10.2021, 23:41
Search / Поиск
Frequency used key
ВЛ11м-462 ВЛ11м-275 ВЛ11к ВЛ11к-101 ВЛ11 ВЛ11-268 ВЛ11-371 TЭM2-7286 Э2М62у Э2М62у-0158 E4s-345 ВЛ10у ЭР2-1288 ВЛ8-1677 ВЛ11м-365 ВЛ11м-274 ЭР2-940 ТЭМ2у ЭР2-3038 ВЛ11м4 ВЛ11м-350 ВЛ11м4-467 ВЛ8-1499 ВЛ11м-332 ТЭМ2-3223 ТЭМ2-6086 ВЛ8 ВЛ8-1320 ВЛ11м-262 ТЭМ2т ТЭМ2т-027 ВЛ8-1253 ЭР2-942 ВЛ11м-456 ВЛ8-1590 ВЛ23-151 ВЛ8-468 ЭР2-1298 ТЭМ2-8042 ВЛ8-1374 ЭР2-1296 ЭР2-1297 ВЛ8-237 ВЛ8-1125 ВЛ8-1312 E4s-277 ТЭМ2 ТЭМ2-8189 ВЛ11м ВЛ11м-286 ВЛ11м-367 ВЛ8-168 ТЭМ2-6400 ВЛ11м4-465 ТЭМ2-5501 ВЛ11м-463 ТЭМ2у-9016 ТГМ4 ТГМ4-2853 2ТЭ10м 2ТЭ10м-3407 ВЛ11м-461 ВЛ23-176 эр2 ВЛ8-1295 Л-2033 ВЛ10у-1031 ВЛ11м-334 ВЛ11м-362 ВЛ8-1114 ТЭМ2-6691 ВЛ11м-273 ВЛ11м-370 ВЛ11м-351 ТЭМ2-2133 ВЛ23 ТГМ4а ТГМ4а-2669 ВЛ8-548 ВЛ8-1239 ТГМ23 ТГМ23-2165 ТЭМ2-7561 ВЛ11м-353 ВЛ11м-369 E4s E4s-333 E4s-333B E4s-333A ТЭМ2-2519 ВЛ11м-331 ЭР2-3046 ЭР2-3052 ТЭМ2м ТЭМ2м-046 ВЛ11м-326 ВЛ11м-464 ТЭМ2-2900 ЭР2-1201 Природа Набрани с железной дороги
RSS News
Et cetera
Cogito ergo sum...

ASRR
RWC
Виртуальные Российские Железные дороги. Мультиплееры МСТС
Internet Map


Our button / Наша кнопка (88х31)


© information
ASRRGlobal, 2009-2021.
All Rights Reserved.
Copying or using material of this site is prohibited. If you want to get some permisions for using our materials, msts addons, etc, feel free to contact us (see Contacts page).