13 OKTYABR – DƏMİR YOLU İŞÇİLƏRİNİN PEŞƏ BAYRAMI GÜNÜDÜR
Bir neçə gündən sonra ölkəmizdə dəmir yolu işçilərinin peşə bayramı günü qeyd olunacaq. Azərbaycan Respublikasının Prezidenti Zati-Aliləri Cənab İlham Əliyev 7 oktyabr 2005-ci ildə "Dəmir yolu işçilərinin peşə bayramının təsis edilməsi haqqında" Sərəncam imzalamışdır. Həmin Sərəncama əsasən artıq beş ildir ki, oktyabrın 13-ü müstəqil Azərbaycan dəmir yolunun yarandığı gün-Azərbaycan dəmir yolu işçilərinin peşə bayramı günü kimi qeyd olunur. Bu əziz bayram ərəfsində ölkə dəmiryolçularını ürəkdən təbrik edir, polad magistralın yaranma tarixi haqqında qısa məlumatı oxucuların nəzərinə çatdırırıq. Azərbaycan polad magistralının təməli hələ 1878-ci ildə qoyulmuş və inşası 1880-ci ildə başa çatmışdır. O, uzunluğu cəmi 20 km olan Bakı-Suraxanı-Sabunçu dəmir yolundan ibarət olmuşdur. Uzun müddət Zaqafqaziya dəmir yolunun tərkibində Bakı hissəsi kimi fəaliyyət göstərən Azərbaycan Dəmir Yolu SSRİ Nazirlər Sovetinin qərarı ilə 13 oktyabr 1955-ci ildə SSRİ Yollar Nazirliyinin tərkibindən ayrılaraq müstəqil dəmir yolu kimi fəaliyyətini davam etdirmişdir. 129 illik tarixə malik olan Azərbaycan polad magistralı çox əzəmətli fəaliyyət yolu keçmişdir. İstər çar Rusiyası, istərsə də Sovet hakimiyyəti dövründə bu sahə daima inkişafda olmuş və Ümummilli Lider Heydər Əliyevin qayğı və diqqəti sayəsində keçən əsrin 70-90-cı illərində öz tərəqqisinin zirvəsinə çatmışdır. O dövrlərdə respublikaya rəhbərlik edən ümummilli liderimiz Heydər Əliyevin ölkənin inkişafına verdiyi önəmli diqqətdən nəqliyyatın bir qolu olan dəmir yolu da qalmamışdır. Ulu öndər keçən əsrin 80-cı illərinin əvvəllərində istər Azərbaycan Respublikasına, istərsə də Sovetlər İttifaqında hökumətə rəhbərlik etdiyi dövrdə də, ümumilikdə, Sovet respublikalarının nəqliyyat sistemini, o cümlədən dəmir yolunun fəaliyyətini daim diqqət mərkəzində saxlamış və onun inkişafına xüsusi önəm vermişdir. Keçən əsrin həmin dövrlərində məhz Ümummilli liderimizin rəhbərliyi altında o zamanki Sovetlər İttifaqının ən böyük çeşidləyici stansiyalarından biri olan Şirvan stansiyası, Yevlax-Balakən, Güzdək-Qaradağ dəmir yolu xətləri, Dəmir yolunun öz fəaliyyətini həyata keçirməsində çox mühüm əhəmiyyəti olan digər dəmir yolu stansiyaları inşa edilərək istismara verilmişdir. Görülən işlərin nəticəsində dəmir yolu vasitəsilə daşınan yüklərin həcmi həmin dövrlərdə 80-90 milyon tona çatdırılmışdır.Məlumdur ki, XX əsrin 90-cı illərinin əvvələrində Sovetlər İttifaqı dağıldıqdan sonra, bütövlükdə Azərbaycanda olduğu kimi, bu sahə də tənəzzülə uğramış, qonşu ölkələrlə iqtisadi əlaqələr kəsilmiş, istər yük, istərsə də sərnişin daşınması minimum həddə enmiş, bəzi istiqamətlərdə daşımalar tamamilə dayandırılmış və bunun nəticəsində dəmir yolu infrastrukturu, demək olar ki, tamamilə dağıdılmış, ixtisaslı kadrlar dəmir yolundan uzaqlaşmış və ölkə polad magistralı tamamilə iflic vəziyyətinə düşmüşdü. 15 iyun 1993-cü ildə ümummilli lider H.Əliyev xalqın arzu və tələbi ilə yenidən ölkə rəhbərliyinə qayıtmış və öz qayıdışı ilə ölkədə baş verən tənəzzülü dayandırmağa müvəffəq ola bilmişdir. O vaxtdan başlayaraq dəmir yolunda dönüş nöqtəsinin əsası qoyulmuş və ölkə polad magistralı dirçəliş dövrünə başlamışdır. Belə ki, Ümummilli lider H.Əliyevin tövsiyyə və göstərişlərini əldə rəhbər tutan Nəqliyyat Naziri, o vaxtkı Yol rəisi Ziya Məmmədovun rəhbərliyi ilə bir sıra iqtisadi islahatlar aparıldı. Dəmir yolunun idarəetmə strukturları dəyişdirilərək xidmət və şöbələrin bazasında müstəqil idarə edilən İstehsalat Birlikləri, müəssisə və təşkilatlar yaradıldı. Bu dövrlərdə, istər ölkədaxili, istərsə də qonşu ölkələrdə sərnişin daşınmasının yüksək səviyyədə təşkil olunması üçün xüsusi tədbirlər görülmüş, dəmir yolu öz daxili imkanları hesabına sərnişin vaqonlarının təmirinə başlamış və qısa vaxt ərzində yüksək standartlara cavab verə bilən sərnişin vaqonları hazırlanaraq istismara vermişdir. Azərbaycan tarixində ilk dəfə olaraq MDB-yə daxil olan ölkələrin dəmir yollarında analoqu olmayan "Ekspress” tipli yumşaq oturacaqlı sərnişin vaqonlarının hazırlanması və əhalinin xidmətinə verilməsi ölkə ictimaiyyəti tərəfindən böyük razılıq, yüksək əhval-ruhiyyə ilə qarşılanmışdır. Həmin dövrlərdə dəmir yolunun rəhbərliyi tərəfindən qonşu ölkələrin dəmir yolları ilə iqtisadi əlaqələr bərpa edilmiş və bunun nəticəsində Rusiya Federasiyasınin Moskva, Sankt-Peterburq, Rostov, Mahaçqala, Ukraynanın Kiyev, Xarkov, qonşu Gürcüstan Respublikasının Tbilisi şəhərlərinə, İran İslam Respublikasnının Təbriz şəhərinə sərnişin qatarları və eləcə də yük və baqaj daşımaları bərpa edilmişdir. Hazırda ölkəmizdən Uzaq Sibirin yurddaşlarımızın sıx məskunlaşdığı Tümen şəhərinə sərnişin qatarının hərəkət etməsi də bunun bariz nümunəsidir. Azərbaycan Respublikasının əlverişli coğrafi mövqeyini əldə rəhbər tutan dəmir yolu rəhbərliyi tranzit yüklərin daşınmasına da böyük əhəmiyyət vermişdir. Məhz görülən tədbirlər nəticəsində 1996-cı ildən hazırki dövrədək Azərbaycan Respublikasının ərazisində dəmir yolu vasitəsilə daşınan tranzit yük dövriyyəsi ilbəil artmaqda davam etmişdir. Bir faktı da xüsusi olaraq nəzərinizə çatdırmaq istəyirəm. Azərbaycan coğrafi mövqeyinə görə bütün tranzit daşımaların mərkəzində yerləşir. Buna görə də nəqliyyat sektorunun tərkib hissəsi olan dəmir yolu beynəlxalq və regional nəqliyyat dəhlizlərinin reallaşması prosesində də yaxından iştirak edir. Məlumdur ki, ki, Azərbaycan Respublikasının Şimal-Cənub beynəlxalq nəqliyyat dəhlizinə qoşulmasına ümummilli lider Heydər Əliyev tərəfindən razılıq verildikdən sonra, həmin istiqamətdə bir sıra vacib addımlar atılmışdır. Görülən işlərin məntiqi nəticəsi kimi Milli Məclis «Azərbaycanın Şimal-Cənub Beynəlxalq Nəqliyyat Dəhlizi haqqında Sazişə qoşulması barədə» qanun layihəsini təsdiq etmiş, ölkə başçısı İlham Əliyev 10 sentyabr 2005-ci ildə həmin qanunu imzalamışdır. Həmin dövrdən başlayan işlər indi də davam etdirilməkdədir. 2008-ci il iyun ayının 17-19 Bakı şəhərində «Şimal-Cənub» beynəlxalq nəqliyyat dəhlizinin reallaşması istiqamətində növbəti görüş keçirilmişdir. Görüşdə üçtərəfli əməkdaşlağın daha da genişləndirilməsi, «Şimal-Cənub» beynəlxalq nəqliyyat dəhlizinin tərkib hissəsi olan Qəzvin-Rəşt-Astara-(İran)-Astara (Azərbaycan) xəttinin tikintisi layihəsi və digər məsələlər müzakirə edimişdir. Bizim üçün mühüm əhəmiyyət kəsb edən Bakı-Tbilisi-Qars yeni dəmir yolu bağlantısı layihəsinin reallaşması üzərində müvafiq işlərin görülməsi də tarixi hadisədir. Belə ki, 7 fevral 2007-ci ildə Tbilisi şəhərində Azərbaycan Prezidenti İlham Əliyev, Gürcüstan Prezidenti Mixail Saakaşvili və Türkiyənin Baş naziri Rəcəb Tayyib Ərdoğan "Regional əməkdaşlığa ümumi baxış haqqında Tbilisi Bəyannaməsi"ni imzalamışlar. Prezident İlham Əliyev Bakı-Tbilisi-Qars dəmir yolu layihəsinin zəruriliyindən danışaraq demişdir ki, bu, bizi daha sıx birləşdirəcək, regional əməkdaşlığı daha da genişləndirəcəkdir. Bu layihənin həyata keçirilməsi həm də regiona sabitlik, sülh gətirəcək və ümumiyyətlə ölkələrimizin, xalqlarımızın iqtisadi maraqlarına cavab verir. 2007-ci il noyabrın 21-də Gürcüstanın Tetri-Skaro rayonunda – Marabda stansiyasında Bakı – Tbilisi – Qars dəmir yolunun Gürcüstan hissəsinin təməlinin qoyulmasına həsr olunmuş mərasim keçirilmişdir. Mərasimdə Azərbaycan Prezidenti İlham Əliyev, Türkiyə Prezidenti Abdullah Gül və Gürcüstan Prezidenti Mixail Saakaşvili, habelə Avropa İttifaqından, Amerika Birləşmiş Ştatlarından və digər ölkələrdən qonaqlar iştirak edirdilər. Təməlqoyma münasibətilə keçirilən mərasimi Prezident Mixail Saakaşvili, Türkiyə Prezidenti Abdullah Gül və Azərbaycan Prezidenti İlham Əliyev nitq söyləmişlər. 2008-ci il İyulun 24-də Türkiyənin Qars şəhərində Bakı-Tbilisi-Qars dəmir yolunun Türkiyə hissəsinin təməlinin qoyulmasına həsr olunmuş mərasim keçirilmişdir. Tədbirdə Azərbaycan Prezidenti İlham Əliyev, Türkiyə Prezidenti Abdullah Gül və Gürcüstan Prezidenti Mixail Saakaşvili iştirak etmişlər. Ulu öndərimiz Heydər Əliyev tərəfindən təməli qoyulan və möhtərəm Prezidentimiz İlham Əliyev tərəfindən uğurla davam etdirilən müasir dövrün iqtisadi islahatları respublikamıza böyük uğurlar gətirmiş, ölkə iqtisadiyyatının sürətli inkişafına səbəb olmuşdur. Bu amillər müasir ölkə iqtisadiyyatının vacib sahələrindən biri olan dəmir yolunun tərəqqisinə də öz müsbət təsirini göstərmişdir. Məlumdur ki, ümummilli lider Heydər Əliyev keçmiş sovetlər məkanında işləyərkən əsrin tikintisi olan Baykal-Amur Magistralının tikintisinə şəxsən rəhbərlik etmişdir. Rusiya hökuməti ulu öndərin xatirəsini əbədiləşdirmək qərarına gəlmişdir. 2008-ci il iyulun 18-də Baykal-Amur Magistralının (BAM) Anqoya stansiyasında Azərbaycan xalqının ümummilli lideri Heydər Əliyevin adını daşıyan vağzalın təntənəli açılışı olmuşdur. Bu dövrdə görülmüş işlərin sayəsində dəmiryolçuların sosial rifah halının yaxşılaşdırılması istiqamətində əməli tədbirlər görülmüşdür. Dəmir yolunun rəhbərliyi və Müstəqil Həmkarlar İttifaqı Respublika Komitəsi birgə səyi ilə son illər ərzində dəmiryolçuların sosial müdafiəsinin gücləndirilməsi, sağlamlıqlarının qorunması və istirahətinin təşkili istiqamətində bir çox layihələr həyata keçirilib. 1 avqust 2008-ci ildə dəmiryolçular Xaçmaz rayonunun Nabran qəsəbəsində «Lokomotiv» İstirahət Mərkəzi tikilib istifadəyə verildi. Açılış mərasimində Hörmətli nəqliyyat naziri Ziya Məmmədov şəxsən iştirak etmişdir. Hər biri 20 nəfərlik olan 3 korpus istifadəyə veril mişdir. Sevindirici haldır ki, Azərbaycanda ümummilli lider Heydər Əliyevin rəhbərliyi ilə yaradılmış nəqliyyat infrastrukturunun inkişaf etdirilməsi və modernləşdirilməsi prosesi Prezident İlham Əliyev tərəfindən daha intensiv şəkildə aparılır. Bir faktı xüsusilə qeyd etmək lazımdır ki, dəmir yolu nəqliyyatı sisteminin inkişafının beynəlxalq stansdartlar səviyyəsinə çatdırılması məqsədilə Azərbaycan Respublikasının Prezidenti İlham Əliyev 20 iyul 2009-cu il tarixli «Azərbaycan Dəmir Yolları» Qapalı Səhmdar Cəmiyyətinin yaradadılması haqqında sərəncam imzalamışdır. Bu sərəncam gələcəkdəAzərbaycan Dəmir Yolunun yeni təşkilati-hüquqi forması və fəaliyyətinin hüquqi əsasları, dəmir yolunda islahatların aparılması və restrukturizasiyası, habelə dəmir yolu nəqliyyatında mövcud infrastrukturu və dəmir yolu nəqliyyatı vasitələrinin müasirləşdirilməsinə imkan verəcəkdir. «Azərbaycan Dəmir Yolları» Qapalı Səhmdar Cəmiyyətinin Mətbuat Xidmətinin rəisiNadir Əzməmmədov
20
sentyabr 2009-cu il tarixdə təxminən saat 15.00 radələrində yağan güclü yağış
nəticəsində sel suları Pirsaat-Hacıqabul mənzilinin 524-523-cü kilometrində cüt
yolun 0,8 km
(800 metr) yol yatağını yuyub aparmışdır.
Bundan başqa Şirvan-Qaragünə
mənzilinin 37-ci kilometrində tək yolda 0,2 kilometr (200 metr) yol yatağını
sel basmışdır. Hadisə nəticəsində Hacıqabul–Şirvan, Hacıbaqul-Pirsaat,
Şirvan-Qaragünə-Xıdırlı mənzillərində yol təsərrüfatı və texniki qurğular,
işarəvermə və rabitə sistemi sıradan çıxmış, Hacıqabul, Nəvahi, Ələt və Sığırlı
yarımstansiyalarında xətlərə enerji verilməsi dayandırılmış, dəmir yolunun
digər təsərrüfatlarına da güclü ziyan dəymiş, rabitə əlaqəsi tamam kəsilmişdir.
Təbii fəlakətin ziyan vurduğu mənzillərdə hərəkət tam dayanmış,
dəmiryolçuların gərgin səyi nəticəsində Hacıqabul – Pirsaat və Şirvan-Ələt
sahəsində saat 22.00-da biryollu hərəkət manevr teplovozlarından istifadə
etməklə bərpa olunmuş, 23.32-dən başlayaraq sərnişin qatarlarının göndərilməsi
müəyyən olunmuş məhdudiyyətlərlə həyata keçirilmişdir.
Təbii fəlakətin nəticələrini aradan
tam qaldırmaq məqsədilə «Azərbaycan Dəmir Yolları» Qapalı Səhmdar Cəmiyyətinin
bütün təsərrüfatlarının əməkdaşları üçün fövqəladə vəziyyət elan edilmişdir.
Artıq qatarların hərəkəti tam bərpa olunub. Diqqətinizə çatdırırıq ki, 20
sentyabr 2009-cu ildə Şimal istiqamətində də yağan güclü leysan nəticəsində
qatarların hərəkətində fasilələr yaranmış, bu istiqamətdə hərəkət edən sərnişin
qatarlarının hərəkəti dayandırılmışdır. Belə ki, 374-373 saylı Tümen –Bakı və
32-31 saylı Kiyev –Bakı sərnişin qatarları Şimali Qafqaz Dəmir Yolunun
Qızılyurd stansiyasında, 373-374 saylı Bakı-Tümen qatarı isə Şimali Qafqaz
Dəmir Yolunun Mahaçqala stansiyasında dayanmışdır.
Şimali Qafqaz Dəmir Yolu
rəhbərliyinin təklifinə əsasən Bakıdan Tümenə gedən və Mahaçqala stansiyasında
dayanan 373-374 saylı Bakı-Tümen sərnişin qatarının sərnişinləri avtobuslarla
Qızılyurt stansiyasına, orada dayanan 374-373 saylı Tümen –Bakı və 32-31 saylı
Kiyev –Bakı sərnişin qatarlarının sərnişinləri isə avtobusla Mahaçqala
stansiyasına gətiriləcək və oradan sərnişin qatarları ilə təyinatı üzrə mənzil
başına çatdırılmışdır.
RAMAZAN BAYRAMINDA AĞSTAFA STANSİYASININ BİLET KASSASINDA AVTOMATLAŞDIRILMIŞ BİLET SATIŞI SİSTEMİ TƏTBİQ EDİLMİŞDİR
«Azərbaycan Dəmir Yolları» Qapalı Səhmdar Cəmiyyətinin Sərnişin Daşıma
İstehsalat Birliyi tərəfindən sərnişinlərə göstərilən xidmət mədəniyyətinin
səviyyəsinin daha da yüksəldilməsi istiqamətində həyata keçirilən islahatlar
davam edir. Dəmir yolunun xidmətlərindən
istifadə edənlərin, son illər ərzində sayının xüsusilə artması xidmət
mədəniyyətinin daha da yüksəldilməsini tələb edir. Vətəndaşlarımızın dəmir
yoluna olan inamını gücləndirmək üçün bu, çox önəmlidir.
«Azərbaycan Dəmir Yolları» Qapalı Səhmdar Cəmiyyətinin Sərnişin Daşıma
İstehsalat Birliyi tərəfindən 20 sentyabr – Ramazan bayramı günü Ağstafa
rayonunun sakinlərinə daha bir hədiyyə edilmişdir. Belə ki, vətəndaşların sərnişin
qatarlarına bilet almaq imkanlarını yaxşılaşdırmaq, onlara göstərilən mədəni
xidmət səviyyəsini yüksəltmək və dəmir yolunda avtomatlaşdırılmış bilet satışı
sisteminin gücləndirilməsi məqsədilə 20 sentyabr 2009-cu ildən Ağstafa
stansiyasının bilet kassasında sərnişin qatarlarına avtomatlaşdırılmış bilet
satışı sistemi tətbiq edilmişdir. Bu məqsədlə keçirilən təntənəli mərasimdə SDİB-nin maliyyə-iqtisad şöbəsinin rəisi
Cabbar Camalov çıxış etdi. O, ilk öncə mərasim iştirakçılarına «Azərbaycan
Dəmir Yolları» Qapalı Səhmdar Cəmiyyəti rəhbərliyinin salamlarını və bayram
təbriklərini çatdırdı. Natiq bildirdi ki, bu, Ramazan bayramında Ağstafa
sakinlərinə dəmiryolçuların əsl hədiyyəsidir. Sərnişinlər Kompüterləşmiş
sistemlə bilet kassasından Bakı sərnişin stansiyasından hərəkət edən digər
qatarlara və geriyə bilet satışı həyata keçiriləcəkdir. Belə ki, bu regionda
yaşayan vətəndaşlarımız Ağstafadan Bakıya və Bakıdan geriyə bilet almaqla
yanaşı, ölkə daxilində hərəkət edən Bakı-Astara, Bakı-Bərdə-Balakən,
Bakı-Tbilisi və digər sərnişin qatarlarına bilet ala biləcəklər. C. Camalov öz çıxışında onu da
bildirdi ki, ilin sonuna kimi Qərb istiqamətində bilet satışı həyata keçirən
bütün stansiyalarda kompüterləşmiş bilet satışı sistemi tətbiq ediləcəkdir.
Bunun üçün proqram təminatı, demək olar ki, həll olunub, lazımi texniki
avadanlıqların alınması başa çatmaq üzrədir. Tovuz və Qovlar stansiyalarında artıq işlər tamamlanmaq üzrədir və
dəmiryolçuların peşə bayramı günü avtomatlaşdırılmış bilet satışı sistemi bu
iki stansiyada reallaşacaq. Ondan sonra Qazax, Böyük Kəsik, Zəyəm, Dəllər və
Şəmkir stansiyalarında bilet satışının kompüterləşməsi həyata keçiriləcək. Natiq çıxışının sonunda bildirdi ki,
rəhbərlik sərnişin təsərrüfatının işini müasir beynəlxalq normalar səviyyəsinə
çatdırılması üçün bütün labüd imkanlardan istifadə edir, bu sahənin inkişafını
daim diqqətdə saxlayır. Ağstafa stansiyasında görülən işlər bunun bariz
nümunəsidir. Sonra stansiyanın rəisi Lətif Nağıyev
çıxış edərək bildirdi ki, Ağstafa stansiyasının bilet kassasında sərnişin
qatarlarına avtomatlaşdırılmış bilet satışı sisteminin tətbiq edilməsi əsl
bayram hədiyyəsi oldu. Bizə göstərilən bu qayğıya görə «Azərbaycan Dəmir
Yolları» Qapalı Səhmdar Cəmiyyətinin rəhbərliyinə Ağstafa ictimaiyyəti adından
dərin minnətdarlığımızı bildiririk. Biz də çalışacağıq ki, göstərilən etimad və
qayğıya öz əməli işimizlə cavab verək. Sonra ilk sərnişinlərə Ağstafadan Bakıya və əks istiqamətə, eləcə də
müxtəlif istiqamətlərə biletlər satıldı. «Azərbaycan Dəmir Yolları» Qapalı Səhmdar Cəmiyyətinin Mətbuat Xidmətinin rəisiNadir Əzməmmədov
BAKI-ABŞERON SAHƏSİNİN ZABRAT II-QALA MƏNZİLİNDƏ DƏMİR YOLU XƏTTİ SÖKÜLƏCƏK
Son illərdə Bakı-Abşeron sahəsinin dairəvi elektrik xətti üzrə elektrik
qatarlarında sərnişin daşımanın həcmi tam aşağı düşmüş və sərnişin
daşınmasından, demək olar ki, gəlir əldə edilməmişdir. Nəticədə dəmir
yolunun iqtisadi vəziyyətinə ciddi ziyan dəymişdir.
Bu sahədə dəmir yolunun iqtisadi cəhətdən səmərəsizliyini nəzərə alaraq,
Azərbaycan Respublikası Nazirlər Kabinetinin 20.04.2005-ci il tarixli 73
saylı «Xüsusi əhəmiyyətli əsas vəsaitlərin (fondların) meyar
göstəriciləri haqqında» Qərarına uyğun olaraq, yolun və digər texniki
qurğuların sökülərək yararlı materiallardan Yolun digər sahələrində
istifadəsinin təmin edilməsi məqsədilə 10.08.2009-cu il tarixdən Zabrat II -
Qala sahəsində yol təsərrüfatının tikili və qurğularının hüquqi normativ
sənədlər əsasında sökülməsi təmin ediləcəkdir.
Uzunluğu 30 kilometr olan Zabrat II stansiyasından Maştağa – Bağlar –
Buzovna – Zuğulba – Sahil – Mərdəkan – Qala stansiyasına kimi birxətli dəmir
yolunun sökülməsi mərhələli şəkildə həyata keçiriləcəkdir.
Sökülmədən əldə olunan yolun üst quruluşu materiallarından ilk növbədə
Zazalı-Gəncə mənzilinin cüt, Heybət-Biləcəri mənzilinin tək,
Güzdək-baş-Xırdalan mənzilinin cüt yolunun əsaslı təmirində istifadə
olunacaqdır.
«Azərbaycan Dəmir Yolları» Qapalı Səhmdar Cəmiyyətinin
Mətbuat Xidmətinin rəisi Nadir Əzməmmədov
На Апшероне будет разобрана железнодорожная линия Забрат 2 –
Гала.
В последние
годы объем перевозок пассажиров в электропоездах по Апшеронскому
электрифицированному железнодорожному кольцу очень сильно сократился. В
результате экономическому состоянию железной дороги был нанесен серьезный
ущерб. Учитывая
результат экономического ущерба указанного участка железной дороги Кабинет
Министров Азербайджанской Республики в соответствии с приказом от 20 апреля
2005 года «О показателях специальных важных основных ресурсов (фондов)» для
создания обеспечения в других участках железной дороги из пригодных для
использования разобранных путей и прочих технических сооружений постановлением
от 10 августа 2009 года принял решение о разборке участка Забрат 2 – Гала в
соответствии с юридическими нормативными документами. 30
километровый однопутный железнодорожный участок Забрат 2 – Гала со станциями
Маштаги, Баглар, Бузовны, Загульба, Сахил (Приморский), Мардакян будет
разобран. Материалы
верхнего строения пути разобранного участка будут использованы для ремонта в
первую очередь перегона Зазалы – Гянджа (оба пути), Эйбат – Баладжары (один
путь), Гюздек – Хырдалан Главный (оба пути).
ЗАО
«Азербайджанские Железные Дороги» Начальник пресс-службыНадир Азмамедов.
Ankarada keçirilən güləş üzrə gənclər arasında dünya birinciliyində «Lokomotiv»
İdman-Sağlamlıq Mərkəzinin yetirməsi, Bədən Tərbiyəsi və İdman
Akademiyasının tələbəsi, idman ustası Orxan Əhmədov 55 kiloqram çəki
dərəcəsində dünya çempionu olmuşdur. Belə ki, idmançımız qızıl medal uğrunda
mübarizədə iranlı Məhəmməd Hatəmini məğlub edərək fəxri kürsünün birinci
pilləsinə yüksəlmişdir.
Gənclər və İdman Nazirliyinin internet saytında yayılan məlumatda bildirilir
ki, bu növ üzrə mübarizənin 2-ci günündə Azərbaycan yığma komandası daha bir
qızıl medal qazandı. 55 kq çəki dərəcəsində çıxış edən son Avropa
Birinciliyinin qalibi Orxan Əhmədov öz çəkisində dünyanın da ən güclüsü
olduğunu sübut edib. Mübarizəyə 1/8 finaldan qoşulan Orxan əvvəlcə
estoniyalı Dmitri Qorjuskonu məğlubiyyətə uğradıb (6-0, 8-1). Növbəti
mərhələdə qazaxıstanlı Madi Zarbolovla görüşün ilk hissəsi Orxan üçün yaxşı
alınmayıb (0-6). amma 2-ci və 3-cü hissələrdə özünü toparlayan təmsilçimiz
rəqibə heç bir şans verməyib (6-0, 7-0). Yarımfinalda qırğızıstanlı Kanibek
Yolçubekov da Orxanın qarşısında duruş gətirə bilməyib (0-2, 6-0, 7-1).
Nəhayət Dünya Çempionu adı uğrunda iranlı Məhəmməd Hatəmi ilə üz-üzə gələn
pəhləvanımız qələbə qazanmaqla (2-0, 2-0) Avropa Çempionluğunun ardınca
Dünya Çempionluğunu da bayram edib.
İlk yarış günü Həsən Əliyev (60 kq) qızıl, Xurşud Babaşov (50 kq) isə bürünc
medal qazanmışdı. Komanda hesabında Azərbaycan 40 xalla Rusiya (60 xal) və
İrandan (49 xal) geri qalmaqla 3-cü yeri tutub. «Lokomotiv» İdman-Sağlamlıq Mərkəzinin idmançıları artıq neçə illərdir
ki, ölkə və beynəlxalq yarışlarda uğurla çıxış edirlər. Biz «Azərbaycan
dəmiryolçusu» olaraq idmançılarımızın qələbələri haqqında mütəmadi olaraq
məlumat veririk.
Xatırladırıq ki, «Lokomotiv» İSM-nin idmançısı, idman ustası Orxan Əhmədov
2-3 iyul Tbilisidə keçirilən yunan-Roma güləşi üzrə gənclər arasında
keçirilən Avropa birinciliyində (55 kiloqram çəki dərəcəsində) I yerə
çıxmışdır. Avropa çempionunu Yol rəisinin müavini Əlirza Süleymanov qəbul etmiş,
idmançımızı Yol rəhbərliyi adından təbrik etmiş, ona daha böyük uğurlar
diləmişdir. İdmançımızın məşqçisi Mürsəl Qafarovdur. Bu yüksək qələbə
münasibətilə idmançımızı təbrik edir, ona yeni-yeni uğurlar arzulayırıq.
«Azərbaycan Dəmir Yolları» Qapalı Səhmdar Cəmiyyətinin
Mətbuat Xidmətinin rəisi Nadir Əzməmmədov
A(H1N1) virusunun simptomları Azərbaycanda da aşkarlanıb. İki Azərbaycan
vətəndaşının bu virusun daşıyıcı olması artıq təsdiqlənib. Onlar 27 iyul
2009-cu ildə Fransadan, 29 iyul 2009-cu ildə Böyük Britaniyadan gəlmiş
Azərbaycan vətəndaşlarıdırlar.
A(H1N1) virusunun simptomlarının ölkəmizdə aşkarlanması müvafiq qurumlardan
daha ciddi tədbirlər görməyi tələb edir. Yolun baş sanitar həkimi Dilşad
Əsgərova bizimlə söhbətində bildirdi ki, «Azərbaycan Dəmir Yolları» Qapalı
Səhmdar Cəmiyyətinin sədri Arif Əsgərovun müvafiq sərəncamı ilə aparılacaq
kompleks işlər haqqında tədbirlər planı hazırlanmış və həyata keçirilməsi
davam edir. Həkim-Sanitar Xidməti və digər sanitar orqanları həmişə
qabaqlayıcı tədbirlər görürlər.
Tədbirlər proqramına əsasən sərnişin qatarlarında, uşaq-yeniyetmə, tədris və
tibb müəssisələrində, qaçqın və məcburi köçkünlərin sıx məskunlaşdığı
yerlərdə sanitariya-gigiyena norma və qaydalarına, dezinfeksiya rejiminə
ciddi əməl edilməsi yoxlanılır, dəmir yolu ərazisində yerləşən bütün
obyektlərin profilaktik və cari dezinfeksiyası aparılır, «Azərbaycan Dəmir
Yolları» Qapalı Səhmdar Cəmiyyətinin Taun Əleyhinə stansiyasında profilaktik
preparatların, dezinfeksiya maddələrinin, fərdi qoruyucu vasitələrinin
ehtiyatı yaradılır ki, lazım olanda istifadə edilsin, dəmir yolu
sərhəd-keçid məntəqələrində fəaliyyət göstərmək üçün, lazım olan anda
sərnişin qatarlarının ölkə ərazisində müşayiət etmək üçün tibb briqadaları
yaradılıb, sərnişin qatarında çalışan briqadalar arasında yol boyu A(H1N1)
virusunun yoluxduğu şübhəli bilinən xəstələr olduqda hansı tədbirlərin
aparılması barədə təlimatlar aparılır. Çünki belə hallarda əhalinin
maarifləndirilməsi və şəxsi gigiyena qaydalarına riayət edilməsi ən mühüm
amillərdən hesab olunur.
Bununla əlaqədar «Azərbaycan Dəmir Yolları» Qapalı Səhmdar Cəmiyyətinin
sanitar orqanları gücləndirilmiş iş rejiminə keçib. Sanitar-Karantin
Müfəttişliyində qaynar xətt yaradılıb. Sərnişin qatarlarında, vağzallarda,
sərhəd-keçid məntəqələrində A(H1N1) virusunun yoluxduğu şübhəli bilinən
xəstələr olduğu halda 24 saat ərzində qaynar xəttə məlumatlar daxil olacaq.
Cəmiyyətin birlik və xidmətlərinə, hazırda eləcə də beynəlxalq istiqamətdə
hərəkətdə olan sərnişin qatarlarının heyətlərinə teleqraf-göstərişi verilib.
A(H1N1) VİRUSU TƏHLÜKƏSİNİN QARŞISINI ALMAQ ÜÇÜN QABAQLAYICI TƏDBİRLƏR GÖRÜLÜR
A(H1N1) virusunun yayılması dünya mediasının diqqət mərkəzindədir. Son
vaxtlar, demək olar ki, dünyanın müxtəlif ölkələrində bu virusun
daşıyıcılarının sayının artması Ümumdünya Səhiyyə Təşkilatını ciddi rejimdə
işləməyə vadar edib. Demək olar ki, bu xoşagəlməz statistka hər gün dəyişir
və ondan əziyyətçəkən ölkələrin sayı durmadan artır. Azərbaycan bu virusdan əziyyət çəkməyən ölkələr sırasında olmasına
baxmayaraq, ondan qorunmaq üçün genişhəcmli işlər görülür. Səhiyyə Nazirliyi
əhali arasında maarifləndirmə işini genişləndirmək üçün bütün imkanları
səfərbər edib.
Oxuculara yaxşı məlumdur ki, belə situasiyalar yarananda, hər yerdə olduğu
kimi, dəmir yolu ərazisində və xüsusilə də sərnişin qatarlarında
xəstəliklərin qarşısını almaq üçün müvafiq əksepidik və profilaktik
tədbirlər planı hazırlanıb həyata keçirilir.
A(H1N1) virusunun müxtəlif ölkələrdə yayılması indi bütün bəşəriyyəti
narahat edən məsələdir. Ona görə də istənilən halda bu virusdan əziyyət
çəkməyən ölkələrdə də güclü profilaktik tədbirlər aparılır.
Bilirsiniz ki, belə hallarda dəmir yolunun Həkim-Sanitar Xidməti, sanitar
orqanları həmişə qabaqlayıcı tədbirlər görürlər.Yenə də fəaliyyətsiz qalmamışıq. Çünki dəmir
yolunun xidmətlərindən minlərlə sərnişin istifadə edir. Ona görə də həmişə
olduğu kimi, yenə də insanlar arasında maarifləndirmə işlərinin aparılmasına
daha çox üstünlük vermişik. Çünki belə hallarda əhalinin maarifləndirilməsi
və şəxsi gigiyena qaydalarına riayət edilməsi ən mühüm amillərdən hesab
olunur. Yol rəisi Arif Əsgərovun müvafiq sərəncamı ilə aparılacaq kompleks
işlər haqqında tədbirlər planı hazırlanmış və Yolun baş mühəndisi Qurban
Nəzirovun rəhbərliyi ilə həyata keçirilməsi davam edir.
Tədbirlər proqramına əsasən sərnişin qatarlarında, uşaq-yeniyetmə, tədris və
tibb müəssisələrində, qaçqın və məcburi köçkünlərin sıx məskunlaşdığı
yerlərdə sanitariya-gigiyena norma və qaydalarına, dezinfeksiya rejiminə
ciddi əməl edilməsi yoxlanılır, dəmir yolu ərazisində yerləşən bütün
obyektlərin profilaktik və cari dezinfeksiyası aparılır, ADDY Taun Əleyhinə
stansiyada profilaktik preparatların, dezinfeksiya maddələrinin, fərdi
qoruyucu vasitələrinin ehtiyatı yaradılır ki, lazım olanda istifadə edilsin,
dəmir yolu sərhəd-keçid məntəqələrində fəaliyyət göstərmək üçün, lazım olan
anda sərnişin qatarlarının ölkə ərazisində müşayiət etmək üçün tibb
briqadaları yaradılıb, sərnişin qatarında çalışan briqadalar arasında yol
boyu A (H1N1) virusunun yoluxduğu şübhəli bilinən xəstələr olduqda hansı
tədbirlərin aparılması barədə təlimatlar aparılır.
Azərbaycan Dövlət Dəmir Yolunun
Mətbuat Xidmətinin rəisi Nadir Əzməmmədov
MİLLİ QURTULUŞ GÜNÜNDƏ GƏNCƏ ŞƏHƏR BİLET KASSASINDA AVTOMATLAŞDIRILMIŞ BİLET SATIŞI SİSTEMİ TƏTBİQ EDİLMİŞDİR
Azərbaycan
Dövlət Dəmir Yolunun
Sərnişin Daşıma İstehsalat Birliyi tərəfindən sərnişinlərə göstərilən
xidmət mədəniyyətinin səviyyəsinin daha da yüksəldilməsi istiqamətində
həyata keçirilən islahatlar davam edir. Dəmir yolunun xidmətlərindən
istifadə edənlərin, son illər ərzində sayının xüsusilə artması xidmət
mədəniyyətinin daha da yüksəldilməsini tələb edir. Vətəndaşlarımızın dəmir
yoluna olan inamını gücləndirmək üçün bu, çox önəmlidir. Azərbaycan Dövlət
Dəmir Yolunun Sərnişin Daşıma İstehsalat Birliyi 15 iyun – Milli Qurtuluş
Günü Gəncə şəhərinin sakinlərinə daha bir hədiyyə etmişdir. Belə ki,
vətəndaşların sərnişin qatarlarına bilet almaq imkanlarını yaxşılaşdırmaq,
onlara göstərilən mədəni xidmət səviyyəsini yüksəltmək və dəmir yolunda
avtomatlaşdırılmış bilet satışı sisteminin gücləndirilməsi məqsədilə 15 iyun
2009-cu ildən Gəncə şəhər bilet kassasında sərnişin qatarlarına
avtomatlaşdırılmış bilet satışı sistemi tətbiq edilmişdir.
Bu məqsədlə keçirilən təntənəli mərasimdə SDİB-nin maliyyə-iqtisad şöbəsinin
rəisi Cabbar Camalov çıxış etdi. O, bildirdi ki, bugünkü həyatımızda əldə
edilən nə varsa, ümummilli liderimiz Heydər Əliyevin adı ilə bağlıdır.
Xalqımızın müsbət və ali keyfiyyətlərini özündə təcəssüm etdirən xalqın
qeyrətli oğlu, ümummilli liderimiz Heydər Əliyev şəxsi iradəsi, ölçüyəgəlməz
qeyri-adi fitri istedadı, fenomenal qabiliyyəti, yorulmaq bilməyən
zəhmətsevərliyi nəticəsində millətin öndərinə çevrilmişdir.
Əməli işləri ilə Azərbaycanın layiqli adını, millətin şərəfini və ləyaqətini
özünə qaytarmış Heydər Əliyev hələ sağlığında ikən nurlu və mənalı ömrünü
qızıl hərflərlə nəsillərin qan yaddaşına yazmış, xalqımızın qəlbində
müstəqilliyimizin əbədiliyinə parlaq işıq yandırmış, inkişaf və tərəqqi üçün
əsas şərt olan əmin-amanlığı təmin etmişdir. Üzərinə düşən xilaskarlıq missiyasını şərəflə yerinə yetirməkdən ötrü
zamanın bütün ağırlığını öz çiyinlərinə götürən Heydər Əliyev Azərbaycanı
dünyanın xəritəsindən silinmək təhlükəsindən, ölkəmizi xaos və
hərc-mərclikdən qurtardı. Ölkədaxili təlatüm və çəkişməyə son qoydu. Bir
sözlə, özünün şah əsəri olan müstəqil Azərbaycanı yaratdı.
Ümummilli liderin zəngin siyasi təcrübəsi, uzaqgörənliyi, dəyanəti və
rəşadəti sayəsində ictimai həyatın bütün istiqamətləri üzrə mühüm
dəyişikliklər baş verdi. Bazar iqtisadiyyatına keçid sürətləndi. İnsanlara
ümid verdi. Müdrik rəhbərimizin başçılıq etdiyi Azərbaycan regionda sülh və
əmin-amanlığın qorunması uğrunda mübarizə aparan dövlətə çevrildi. Bir çox
beynəlxalq və regional layihələrin həyata keçirilməsi, ölkəmizin beynəlxalq
aləmdə nüfuz qazanmasına səbəb oldu.
Heydər Əliyevin Azərbaycana, onun rəhbərliyinə yenidən qayıdışı xalqın
qurtuluşu idi. 9 iyun 1993-cü ildə saat 15:00-da Naxçıvan Muxtar
Respublikası Ali Məclisinin sədri Heydər Əliyev xalqın ardıcıl təkidlərindən
sonra ölkənin paytaxtına gəldi. Və elə həmin gündən başlayaraq
ictimai-siyasi vəziyyəti dərindən öyrəndi, təhlillər apardı, vəziyyətin
sabitləşməsinə dair danışıqlara başladı. Cəmi dörd gündən sonra o, vahid
komadanlığa itaətsizlik göstərərək qiyama qalxmış “N” hərbi hissənin başında
duran Surət Hüseynovla, habelə Gəncə ağsaqqalları ilə görüşərək tezliklə
vəziyyətin sabitləşməsinə nail oldu. 15 iyunda keçirilən iclasda Heydər
Əliyev Azərbaycan Respublikası Ali Sovetinin sədri seçildi. Həmin günkü
çıxışda o, üzünü xalqa tutaraq dedi: “Azərbaycan Respublikasının bugünkü
ağır, mürəkkəb və gərgin vəziyyətini tam məsuliyyətlə dərk edirəm.
Azərbaycan xalqının tarixi nailiyyəti olan dövlət müstəqilliyini qorumağı,
möhkəmləndirməyi, inkişaf etdirməyi özüm üçün əsas vəzifə hesab edirəm. Heç
kəsdə şübhə olmasın ki, ömrümün bundan sonrakı hissəsini harda oluramsa-olum,
yalnız və yalnız Azərbaycan Respublikasının müstəqil dövlət kimi inkişaf
etməsinə həsr edəcəm…”
Çox keçmədi ki, 1993-cü ilin 3 oktyabrında keçirilən prezident seçkilərində
Azərbaycan Respublikasının Prezidenti seçildi. Beləliklə, Heydər Əliyev
Azərbaycan Prezidenti kimi mübarizəsinin yeni mərhələsinə qədəm qoydu. Bunun
nəticəsində hərc-mərcliyə son qoyuldu. 1994-cü ilin avqust ayının 11-də isə
atəşkəs imzalandı. Qarabağ probleminin həlli istiqamətində ciddi addımlar
atıldı. Bunlar H.Əliyevin siyasi iradəsi hesabına başa gəldi.
Artıq ölkə daxilində əhalinin sosial rifahı yaxşılaşır, iqtisadiyyatın
inkişafına sərmayələr qoyulur, xarici investorlar Azərbaycana cəlb edilirdi.
Bütün bunların reallaşması ağır zəhmətlər hesabına başa gəlib.
Heydər Əliyev azərbaycançılığı bir ideologiya olaraq irəli sürməklə, ölkənin
dağılması, ərazisinin etnik əlamətlərə görə parçalanması təhlükəsinin
qarşısını almaq vəzifəsini həll etdi. Bu, onun çox böyük vətəndaş hünəri idi
və şübhəsiz aktual milli vəzifələrin həlli üçün bütün dünya
azərbaycanlılarının öz vətənləri olan Azərbaycan ətrafında birləşməsinə
töhfəsini verəcəkdir.
Mübaliğəsiz demək olar ki, Heydər Əliyevin zəngin irsi XX əsrin müstəqil
dövləti kimi Azərbaycanın gələcək inkişaf və tərəqqi yolunu müəyyən edən
etibarlı səmt göstəricisidir və daim belə olacaqdır.
Heydər Əliyevin qurduğu dövlət Aristotelin məşhur “Dövlət ancaq yaşamaq
naminə deyil, əsasən xoşbəxt yaşamaq üçün yaradılır”–kəlamındakı ideyanı
reallaşdırır. Yeni ictimai-siyasi formasiyaya keçid şəraitində, sabitliyin,
təhlükəsizliyin tam bərqərar olmadığı mühitdə vətəndaşların, ona etimad
göstərən insanların,–bir sözlə, xalqın xoşbəxt yaşamasının qayğısına qalaraq,
Heydər Əliyev Azərbaycanın zəngin ehtiyatlarını bu məqsədlə səfərbər etməyi
qərara aldı.
Ümummilli lider Heydər Əliyev fəaliyyətinin bütün mərhələlərində–istər
əvvəlki hakimiyyəti dövründə, istərsə də ikinci dəfə hakimiyyətə
qayıdışından sonra bütün fəaliyyəti dövlətin inkişafına, xalqın rifah
halının yüksəlməsinə və onların sivil qaydalarla yaşam tərzinin
formalaşdırılmasına xidmət etmişdir.
Heydər Əliyevin qəbul etdiyi hər bir qərar, atdığı hər bir addım, dediyi hər
bir söz konkret tarixi şəraitdəki gerçəkliklərə kompleks yanaşmanın məhsulu
olub, həm siyasi, həm iqtisadi, həm mənəvi, həm də tarixi təhlildən sonra
gəlinən nəticəyə zəka aydınlığı ilə verilən qiymətdir. Təbii ki, belə bir
dəyərləndirmənin nəticəsi olaraq ortaya çıxmış qərarlar, atılmış addımlar,
deyilmiş sözlər mütləq mənada doğru, faydalı, səmərəli olur. Bu cür qərarlar
qəbul edib, ən doğru yolu seçmək isə yalnız müdrik insanların nəsibidir.
Çünki, müdrik insanlar nə əlahiddə şəkildə nəzəriyyəyə, nə də mütləq mənada
əməli fəaliyyətə əsaslanırlar, konkret işlər görürlər.
Tarix boyu Azərbaycanın başına olmazın müsibətlər gəlmişdir. Dəfələrlə doğma
torpaqlarımız ayrı-ayrı dövlətlər tərəfindən təcavüzə məruz qalmış, istila
edilmişdir. Lakin hər dəfə xalqımız özündə qüdrət tapmış, dirçəlmişdir.
Cavanşir, Babək, Xətai… Bəli, onların hər biri tariximizdə böyük
şəxsiyyətlər, qəhrəmanlar kimi qalmışlar. XX əsrin Azərbaycana bəxş etdiyi
şəxsiyyət Heydər Əlirza oğlu Əliyev olmuşdur. Bu şəxsiyyətin gördüyü işlərin
miqyasını bu gün ölçmək o qədər də asan deyil. Göz qabağında olan adətən adi
görünür. Lakin illər, qərinələr ötdükcə miqyası böyüyür, möhtəşəmləşir. Bu
möhtəşəmliyin miqyasını isə bu gün ölkə prezidenti, Heydər Əliyev siyasi
kursunun layiqli davamçısı Prezident İlham Əliyev daha da artırır,
genişləndirir. Məqsədi də dahi və fenomen şəxsiyyətin–Heydər Əliyevin başa
çatdıra bilmədiyi arzularını həyata keçirmək, xalqın yaddaşında onun
əməllərini yaşatmaqdır. Belə bir şərəfli və məsuliyyətli vəzifənin həyata
keçirilməsi hər bir rəhbərdən böyük səriştə, bilik, savad, təcrübə tələb
edir. Bu keyfiyyətlərin hamısı gənc prezidentimiz, Heydər Əliyev məktəbinin
layiqli davamçısı cənab İlham Əliyevdə cəmləşib. O, müstəqil Azərbaycanı,
xalqımızı işıqlı gələcəyə doğru aparmaqdadır. Bu yolda ona daha böyük
uğurlar arzulayırıq.
Məhz dəmir yolu da yuxarıda qeyd etdiyim kimi 90-cı illəri əvvəlinə
tamamailə tənazülə uğramışdır. O zamanlar respublikadan kənara hərəkət edən
yük və sərnişin qatarlarının hərəkəti tam dayandırılmışıdı. Dəmir yolunda
xaos hökm sürürdü. Dəmirolçuar da artıq belə yaşamaqdan və işləməkdən
bezmişdirlər və ancaq Heydər Əliyevin yenidən respublikaya siyasi rəhbərliyə
qayıtmasında öz nicatlarını görürdülər. Belə də oldu və Heydər Əliyevin
ikinci dəfə siyasi hakimiyyətə qayıdışından sonra Azərbaycan Dövlət Dəmir
Yoluna əsil dəmiryolçu, islahatçı, yüksək idarəetmə bacarığı, dəmir yol
iqtisadiyyatının bilicisi və qurucusu Z.Məmmədovun rəis təyin olunmasından
sonra geniş imkanlar və işlərə başlandı. Respublikadan kənara hərəkət edən
sərnişin və yük qatarlarının hərəkəti bərpa edildi.
İlk əvvəl hərəkəti tam dayandırılmış Şimal istiqamətinə hərəkət edən
sərnişin qatarlarının bərpası üzərində işlər aparılmış və əvvəlcə 1996-cı
ilin oktyabr ayında «Bakı-Mahaçkala» sərnişin qatarının hərəkəti bərpa
edilmişdir. 1997-ci ilin may ayından etibarən Bakıdan Moskva, Kiyev
şəhərlərinə və sonradan isə Rostov, Xarkov, Həştərxan, Sverdlovsk, Sankt
Peterburq, Novosibirsk, Voronej, Tümen, Ulyanovsk, Simferopol, Odessa, Lvov,
Samara, Çelyabinsk, Kislovodsk, İjevsk, Kazan, Saransk şəhərlərinə hərəkət
edən sərnişin qatarları və qoşma vaqonlar təyin edilmiş, yeni sərnişin
vağzalları və platformalar tikilib istifadəyə verilmişdir.
1999-cu ilin oktyabrında yüksək standartlara cavab verən Bakı-Gəncə, 2002-ci
ilin mart ayında Bakı-Mingəçevir, 2003-cü ili aprel ayında Bakı-Dərbənd və
sentyabr ayında Bakı-Astara «Ekspress» qatarları respulikamızın
vətəndaşlarının ixtiyarına verilmişdir. Yalama, Dəvəçi, Astara, Mingəçevir,
Yevlax, Gəncə, Ağstafa, Böyük Kəsik, Ucar, Lökbatan, Kürdəmir, Bakı-sərnişin
stansiyalarında tam yenidənqurma işləri aparılmışdır.
1997-ci ildə Bakı-sərnişin vağzalında bilet satışının kompüterləşməsi
reallaşmışdır. 1999-cu ilin sentyabr ayında Gəncə vağzalında, 2005-ci ilin
iyul ayında Biləcəri stansiyasında, 2007-ci ildə Sumqayıt və Mərdəkan
stansiyalarında, 2008-ci iln may ayında Lökbatan dayanacağında, 2009-cu
ildən isə Dəvəçi, Xaçmaz, Xudat, Yalama stansiyalarında bilet satış tam
kompüterləşdirilmişdir. Bu da qatarlarına boş yerlə getməsinin qarşısını
alır və əldə olunan gəlirə nəzarəti artırır və neqativ hallara yol
verilməməsinin qarşısını alır. Artıq bilet kassiri və ya digər rəhbər işçi
tərəfindən yerlərin ehtiyyatda saxlanılmasına yol verilmir. Bu gün Gəncə şəhər bilet kassasında sərnişin qatarlarına
avtomatlaşdırılmış bilet satışı sisteminin tətbiqi də bu proseslərin
davamıdır. Sərnişinlər eyni zamanda artıq geriyə qayıdış və ya digər
istiqamətdə gediş bileti alm aq üçün gedib Bakı şəhərində bilet kassasının
qarşısında növbədə dayanmaq lazım gəlməyəcəkdir. Artıq Gəncədən Bakıya
getmədən belə bir bileti almaq imkanı olacaqdır.
Gəncə şəhər İcra Hakimiyyəti başçısının müavini Şahmalı Cavadov, DPİB
rəisinin qərb istiqaməti üzrə müavini Füzuli Kərimov və digərləri də öz
çıxışlarında Milli Qurtuluş Günündə Gəncə şəhər bilet kassasında sərnişin
qatarlarına avtomatlaşdırılmış bilet satışı sisteminin əsl bayram hədiyyəsi
olduğunu bildirdilər.
Sonra ilk sərnişinlərə Gəncədən Bakıya və əks istiqamətə, eləcə də müxtəlif
istiqamətlərə biletlər satıldı.
HƏMKARLAR TƏŞKİLATLARI ARASINDA ƏLAQƏLƏR GENİŞLƏNİR
8-9 iyun 2009-cu il tarixdə Moskva şəhərində Dəmiryolçuların Həmkarlar
İttifaqları Beynəlxlaq Konfederasiya Şurasının növbəti XXXV iclası
keçiriləcək. Tədbirdə iclaslaraası dövr ərzində görülən işlər, qarşılıqlı
əlaqələrin genişləndirilməsi məsələləri müzakirə ediləcək. Digər bir tədbir
iyunun 10-dan 16-dək isə Çexiya dəmiryolçularının Həmkarlar İttifaqının
təcrübəsinin öyrənilməsi üçün Praqa şəhərində keçiriləcək. Hər iki tədbirdə
ölkəmizi Azərbaycan Dəmiryolçulranın Müstəqil Həmkarlar İttifaqı Respublika
Komitəsinin sədri Fəzail Bağırov, təşkilat şöbəsinin müdiri Samir Böyükzadə
və «Lokomotiv» İstehsalat Birliyi Birləşmiş Həmkarlar İttifaqı Komitəsinin
sədri Niyaz İsayılovdan ibarət nümayəndə heyəti təmsil edəcək.
Azərbaycan Dövlət Dəmir Yolunun
Mətbuat Xidmətinin rəisi Nadir Əzməmmədov
Dəmir Yollarının Əməkdaşlığı Təşkilatının (DYƏT) Nazirlər Müşavirəsinin XXXVII sessiyası 2-5 iyun 2009-cu ildə Qazaxıstanın paytaxtı Astana şəhərində keçirilir.
Sessiyada aşağıdakı məsələlər müzakirə olunacaq:
2008-ci il ərzində DYƏT-in fəaliyyəti haqqında;
2008-ci il ərzində DYƏT-in təftiş komissiyasının hesabatı;
DYƏT-in əsaslandırma sənədlərinin təkmilləşirilməsi üzrə müvəqqəti içi qrupunun işi haqqında;
DYƏT-in Nizamnaməsi və digər əsas sənədlərinin Layihəsi haqqında;
Sərnişin daşınmanın təftişi üzrə Müvəqqəti işçi qrupunun fəaliyyəti haqqında;
Yük daşınmalarının təftişi üzrə Müvəqqəti işçi qrupunun fəaliyyəti haqqında;
2010-cu və növbəti illər üçün DYƏT-in fəaliyyət proqramı haqqında;
DYƏT üzvlərinin üzvlük haqları üzrə borcu haqqında;
DYƏT Komitəsinin büdcəsi (2009-cu il üçün son, 2010-cu il üçün təqribi);
DYƏT Komitəsinin məkanı haqqında;
DYƏT Nazirlər Müşavirəsinin XXXVIII sessiyasının keçirilmə tarixi,yeri və gündəliyi layihəsi haqqında.
Tədbirdə Azərbaycan Dövlət Dəmir Yolunun baş mühəndisi Qurban Nəzirovun rəhbərlik etdiyi nümayəndə heyəti də iştirak edir.
Azərbaycan Dövlət Dəmir Yolunun Mətbuat Xidmətinin rəisi Nadir Əzməmmədov
YADDAŞ ÜÇÜN:
Dəmir Yollarının Əməkdaşlığı Təşkilatı (DYƏT) 28 iyun 1956-cı ildə Sofiya şəhərində (Bolqarıstan Respublikası) dəmir yoluna rəhbərlik edən nazirlərin nazirlər müşavirəsində yaradılmışdır. DYƏT-in mövcud olması və işi beynəlxalq xarakter daşıyan DYƏT haqqında Əsasnaməyə əsaslanır. 27 ölkənin dəmir yolu nəqliyyatına rəhbərlik edən nəqliyyat nazirlikləri və mərkəzi dövlət orqanları DYƏT-in üzvləridir.
DYƏT-in Əsasnaməsinə əsasən bu qurumun işində bilavasitə dəmir yollarının fəaliyyəti ilə əlaqədə olan təşkilatın digər formada iştirak etməsi də mümkündür.
DYƏT-in ali rəhbər orqanı Nazirlər Müşavirəsi, dəmir yolu müəssisələri səviyyəsində DYƏT-in dəmir yolları baş direktorlarının Konfransıdır. DYƏT-in icra orqanı Komitədir.
DYƏT-in işçi orqanları Komissiyalar, bundan başqa DYƏT-in daimi işçi qrupları da vardır.
Azərbaycan Dövlət Dəmir Yolu 1993-cü ilin iyul ayından Dəmir Yollarının Əməkdaşlığı Təşkilatının (DYƏT) üzvüdür.
ASRRGlobal, 2009-2024.
All Rights Reserved.
Copying or using material of this site is prohibited. If you want to get some permisions for using our materials, msts addons, etc, feel free to contact us (see Contacts page).